Morlán reconoix que l’aeropuerto de Uesca estió una error

Victor Morlán asegura que no tornaria a fer lo que ha feito en Fomento, pero que no estió dolent fer-lo

15 octubre, 2011 | Economía | Autor: Arredol | Tweet

Victor Morlán en l'aeropuerto de Zaragoza

En un arranque de sinceridat, l’actual secretario d’estau d’infraestructuras espanyol, y candidato al Congreso por Uesca por o PSOE, Victor Morlán, ha reconoixiu que muitas d’as obras que s’han feito en os zaguers anyos igual no calian fer-las. Una d’as obras que ha dito que no s’habria d’haber feito ye l’aeropuerto de Uesca. Seguntes Morlán, ell “no yera partidario de fer l’aeropuerto de Uesca, pero ya yera en obras. Y si aturo la obra de Uesca, que ye a mia tierra, me penchan d’un palo”.

Morlán, que ha dito que como bi’n heba diners y totz quereban obras en casa suya se’n facioron, tamién ha dito que “puestar hemos actuau como nuevos ricos, pero allora faciemos o que hebamos de fer”. Seguntes o candidato socialista a o Congreso por Uesca “lo que hemos feito no puede tornar a pasar, pero me niego a pensar que lo que faciemos fuese dolent”.

Tamién ha culpau a la manca de protestas, dicindo que podeban haber protestau allora, ixublidando as protestas que devantoron y devantan bellas actuacions d’o suyo ministerio.