Morlán vesita la obra de Goya

A más anuncia un nuevo empentón a las redoladas

O Secretaire d’Estau d’Infraestructuras, o uescano Víctor Morlán, ha vesitau iste maitín l’estau d’as obras d’o nuevo apeadero de viachers de redoladas de Goya, que parixe estar que será finalizau en chinero u febrero de 2012.

Acompanyau de l’Alcalde d’a ciudat, o socialista Juan Alberto Belloch, Morlán aprobeitó la vesita t’anunciar un nuevo empentón a o chiquet nuclio de redoladas de Zaragoza.

En concreto, Morlán anunció la construcción d’un nuevo apeadero de pasacheros en Tenor Fleta, en o vico de Sant Chusep, equipamiento demandau dende fa meses per l’Asociación de Vecins y Vecinas y que s’ubicará entre la estación de Goya (encara en construcción) y la de Miraflors, tradicional apeadero d’o vico rescatau quand en 2008 se debantó l’actual linea 1 de redoladas, que une Casetas con Miraflors y que s’aspera s’enlargue en o futuro a atras localidatz de l’aria d’influyencia de Zaragoza.

En iste sentiu, Morlán manifestó que l’ampliación d’o nuclio de redoladas dará servicio a Plaza y que o prochecto correspondient se troba en iste inte en fase d’estudio. Tamién se refirió a o paper d’a Diputación Cheneral de Rudi, chestionada per o PP, animando-le a participar en o prochecto, que se ferá con u sin a suya colaboración, pero que a chuicio de Morlán, “se quedaría coixo” sin ista.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.