Mosica y libros ta celebrar Sant Chorche

"A programación preba d'estar festiva y variada", dició o director cheneral de cultura en a presentación.

cartel

O Gubierno ha organizau actos arredol d’a literatura y a mosica ta celebrar o Diya d’Aragón. “A programación preba d’estar festiva y variada“, ha dito Humberto Vadillo, director cheneral de cultura. Os actos,que incluyen a Muestra d’o Libro, conciertos, teatro, ixotas u espectaclos infantils, se celebrarán en Uesca, Zaragoza y Teruel, en os principals espacios d’as ciudatz.

A Feria d’o Libro de Zaragoza prencipiará a las nueu d’o maitin con a presencia de más de 40 expositors. Mientres tot lo diya tres scenarios, en a Plaza d’o Pilar, en Sant Bruno y en Sant Felipe, bi habrá actuacions. Tamién Teruel y Uesca tendrán mosica, ixotas y animación infantil. Vadillo convidó a los ciudadans a “fer-se una gambadeta” y descubrir todas as actuacions d’a ciudat”.

Como todas las anyadas, un acto institucional en l’Alfachería arroclará a los representants d’o gubierno y d’as Cortes.

A programación oficial ye la siguient:

Zaragoza, 23 d’abril

Plaza d’o Pilar:
13:00 horas: actuación d’a Banda de saxofons d’o Conservatorio Profesional Superior de Mosica d’Aragón.
18.30 horas: Homenache popular a Miguel Fleta en o suyo 75 cabo d’anyo con o concierto lirico “A Zarzuela mas divertida”, a cargo d’a Companyía Dolores Font.
De 20.00 a 22.30 horas: Conciertos de Rapsusklei & The Flow Fanatics y The Faith Keepers.

Plaza Sant Bruno:
12:00: espectaclo infantil de teatro “Los duendes del baúl” d’a companyía Caleidoscopio.

Plaza Sant Felipe:
12:00 horas: mosica aragonesa de man d’a colla ‘Olga y los ministriles’.

Teruel, 22 d’abril
Ixample:
12:00 horas: espectaclo d’animación infantil “Tobogán y colibri”

Plaza d’o Torico:
22:30 horas: Actuación d’a colla folklorica Astí Queda Ixo.

Teruel, 23 de abril:

Auditorio Parque d’os fueros::
12:00 horas: Festival d’ixotas.

Plaza d’o Torico
19:00 horas: Festival de jotas.

Uesca, 23 de abril: 
Tozal de Sant Chorche 
11:00 horas: Actuacions de Artea Teatro con o pasavillas “Las verduras”, y espectaclo d’animación infantil ‘Las maletas’ d’a colla Polilla y Alcanfor.
16.30 horas: por o tozal de Sant Chorche, pasavillas a cargo d’os Gaiters de Tierra Plana
17:30 horas: Actuación d’a Colla Folclorica Santa Cecilia.

2 Rispuestas a Mosica y libros ta celebrar Sant Chorche

  1. goyoso diya d’Aragón ta toz!!!

  2. Goyoso diya d’a nuestra patria ta totz, y tamién ta Arredol. Gracias por fer que ra viella luenga d’Aragón que contina viva i siga veyible 🙂

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.