Motorland aculle a mas de 100.000 presonas o cabo semana

20 kilometros de retencions en a N-232 y un feriu grau en a N-211. A presidenta d'Aragon demandó a construcción de l'autovía

O publico dixo chicotas as dentradas t'o circuito

O publico dixo chicotas as dentradas t'o circuito

O circuito de velocidat d’Alcanyiz, Motorland, ha recibiu a mas de 100.000 vesitants mientres qu’os dos diyas d’o Gran Premio d’Aragón de Moto GP. O domingo, diya de competición, 60.000 presonas dentroron por as puertas de Motorland ta veyer as corridas de motos. As cifras, sin dembargo, son una mica menors que a zaguera anyada, primer anyo de cilebracion d’iste gran premio de motociclismo, unico en o país.

Luisa Fernanda Rudi entregó os premios a os ganadors

Luisa Fernanda Rudi entregó os premios a os ganadors

En o terreno esportivo, o valenciano Nico Terol, o catalán Marc Márquez y l’australiano Casey Stoner, han estau os ganadors en as tres categorías que s’han corriu o cabo semana. L’unico aragonés participant, Pedro Rodríguez, convidau por a organización, ha puesto rematar en vintena posición en a categoría de 125 cc.

Pedro Rodríguez con a presidenta d'Aragón

Pedro Rodríguez con a presidenta d'Aragón

Rodríguez recibió mientres o cabo semana a vesita d’a Presidenta d’Aragón, Luisa Fernanda Rudi, que dició que a competición ye un foco d’atencion ta milentas de presonas. Amás aproveitó l’inte ta demanar l’esvielle d’a N-232 y a suya conversion en autovía. A custión d’os accesos, chunto con a fallada d’un transformador en os entrenamientos d’o viernes, han estau os puntos negros d’o cabo semana. A salida d’os autos y motos d’os vesitants ha prevocau dica 20 kilometros d’atasco en a N-232. Tamién dixa o premio un feriu grau en un accident de moto.

Goyo dentre os hosteleros

Os hosteleros d’o Baixo Aragón han amostrau a suya satisfacción por o risultau economico d’o cabo semana. En a redoladas d’o Baxo Aragón s’ha plegau en muitos puestos dica o 100% d’ocupación y tamién en atras redoladas amanadas, como o Matarranya, s’ha dixau notar l’efecto d’as muitas presonas que s’han amanau enta Alcanyiz.

2 Rispuestas a Motorland aculle a mas de 100.000 presonas o cabo semana

  1. Que gozada de corridas de motos!!!

  2. Pingback: Anónimo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.