Muel cilebra l’1 d’octubre o Huerva rock

El Último Skalón, Switch Over, Dañaos y El Aitor HDB en esfensa d'a Huerva en Muel

22 septiembre, 2011 | Campo de Carinyena, Cultura | Autor: Arredol | Tweet

Ta esfender a Huerva, menazada por un minitrescole, Muel cilebra o venient 1 d’octobre o Huerva Rock, un festival mosical que quiere arroclar a chent d’a redolada en esfensa d’o suyo rio. O festival ye de gufanya y amás d’a mosica, dende as 11 d’o maitin, cuenta con actividatz arredol d’o rio, una charrada sobre a situgacion d’a zona y d’atros colectivos d’esfensa d’o territorio y una chenta popular. O festival tamién disposará d’una zona d’acampada ta la chent que quiera dormir de nueitz en iste lugar d’a redolada d’o Campo de Carinyena.

Os conciertos prencipiarán a las 10 d’a nueit con as collas El Último Skalón, Switch Over, Dañaos y El Aitor HDB, amás d’a partecipación d’os DJ’s Groovy Grandpa, To Hell and back y Anarko Project Soundz. O festival ye organizau por o colectivo Huerva Vivo, una asociación d’esfensa d’o territorio d’o lugar.