Muel fa balance d’as Chornadas de Puertas Bataleras

Cuasi 4.000 personas han conoixiu o treballo d'o Taller Escuela de Muel mientras istos días

(Foto: Diputación Provincial de Zaragoza)

Cuasi quatre mil personas han participau mientras istos días en as Chornadas de Puertas Bataleras que o Taller Escuela de Ceramica de Muel d’a Diputación Provincial de Zaragoza ha meso en marcha mientras o pasau “puent” d’aviento.

 

Buro, fuego, arte, naturaleza, Goya y muitos atros conceptos han feito parti d’a ufierta d’actos d’o taller d’o monecipio zaragozano, estando a dentrada libre y de valdes d’entre os dias 3 y 8 d’aviento, totz dos incluyius.

 

En concreto, han estau 3.800 personas as que s’han desplazau dica o Taller de Ceramica de Muel, d’entre ellas ueitocientos ninos, que han disfrutau d’a suya primera experiencia con a ceramica y d’o suyo primer contacto con o buro.

 

Os zaragozanos y visitants que han acudiu mientras as chornadas de puertas bataleras a Muel han puesto creyar a suya propia pieza en o torno u modelau y, como novedat y de cara a Nadal, han modelau motivos caracteristicos d’istas calendatas, guiaus por ceramistas expertos. A más, os visitants tamien han puesto vier “in situ” o proceso de creyación dende l’emprecipie dica la fin d’a ceramica tradicional de Muel.

Fuent: http://www.comarcas.es/index.php/mod.noticias/mem.detalle/idnoticia.6560/relcategoria./chk.eb8857d1b244509e644c739acfed6fb3.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.