Muere a escritora Doris Lessing a os 94 anyos

A escritora britanica recibió o premio Nobel de literatura y yera un referent de l'antirracismo y d'o feminismo

18 noviembre, 2013 | Cultura | Autor: Arredol | Tweet

Doris Lessing. Foto: Elke Wetzig (CC-BY-SA)

Ahiere domingo moriba a escritora britanica Doris Lessing a os 94 anyos d’edat. En l’anyo 2007 recibió o premio Nobel de literatura, recibindo mientres a suya vida mas galardons. A escritora yera un referent d’o feminismo y de l’antiracismo, destacando a suya critica contra o rechimen sudafricano de l’apartheid.

Naixida de Kermanshah (Persia, actual Irán) en 1919, pasó a suya nineza y choventut en Rodesia (actual Zimbabwe). Prencipió a leyer libros y a os 15 anyos s’independizó y empecipió a publicar cuentos en una revista de Sudafrica. A os 30 anyos fació casamuda ta Londres con o suyo tercer fillo, escribindo o suyo primer libro “The grass is singing (A hierba ye cantando)” do charra d’as suyas experiencias en Africa y d’as suyas ideyas politicas. Afiliada a o Partiu Comunista Britanico, lo deixa en 1954.

En o cabo d’o decenio d’os 70, escribió una serie de cinco libros de sciencia-ficción, con o nombre de “Canopus en Argus” do relata un futuro pleno de tiranía y estrafallas naturals y que a propia escritora consideraba a suya millor obra.

As suyas obras fablan d’as inchusticias d’o racismo, a luita por a libertat, a creyación artistica, o feminsimo y o compromís politico. A suya obra mas conoixida ye “The Golden Notebook (O Quaderno Dorau)“, de 1962, que consagró a Lessing como un referent d’o feminismo.