Muere Ariel Sharon

O politico y militar israelí ha muerto hue dimpués de ueito anyos en coma

Ariel Sharon (Foto: an.wikipedia.org)

Ariel Sharon (Foto: an.wikipedia.org)

L’ex primer ministro d’Israel, Ariel Sharon, ha muerto hue a los uitanta y cinco anyos, dimpués d’haber pasau os zaguers ueito anyos d’a suya vida en estau vechetatiu. Istas zagueras semanas a suya salut heba empiorau prou. Sharon entró en coma o 4 de chinero de 2006, y ixe mesmo diya se le declaró incapacitau permanent.

Politicament, Sharon ye remerau más que más por a polemica visita a l’esplanada d’as mezquitas de Cherusalem, lanyo 2000, que  que encetó a clamada segunda Intifada palestina. A l’atro’l anyo estió esleiu primer ministro, en un mandato caracterizau por a construcción d’a frontera de Cischordania, a expansión territorial d’o estau israelí y, paralelament, a expulsión d’os colonos chodigos d’a francha de Gaza y de quatro asentamientos cischordans. Antes que no adedicar-se a la politica, Sharon heba plegau a cheneral de l’exercito. De feito, ye considerau l’ideólogo d’a invasión d’o Líbano d’o 1982, quan ya yera ministro d’Esfensa, entre a quala se perpetró a matacía de centenars de refuchiaus palestins en os campos de Sabra y Xatila, amán de Beirut.

 

Fuent: http://www.vilaweb.cat/noticia/4166442/20140111/mort-ariel-sharon-dhaver-passat-vuit-anys-coma.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.