Muere Stéphane Hessel, autor de ‘Indignez-vous!’

Participó en la redacción d'a Declaración Universal d'os Dreitos Humanos de 1948

Stephane Hessel (Foto: Wikipedia)

Stephane Hessel (Foto: Wikipedia)

L’escritor y diplomatico francés, Stephane Hessel, un d’os redactors d’a Declaración Universal d’os Dreitos Humanos y autor d’o popular libro “Indignez-vous!” (Carranyatz-tos!), ha muerto iste miercols a la edat de novanta y cinco anyadas. Diplomatico y miembro d’a resistencia francesa, istas zaguers anyadas heba intensificau o suyo discurso endrezando-se a los carranyaus de tot lo mundo y demandando-les que se comprometesen ta cambiar as cosas. Lo fació a traviés d’o libro “Comprometetz-tos, ya no’n ye prou con carranyar-se”, que publicó una anyada dimpués de “Indignez-vous!”.

“No ye prou con carranyar-se por a sinchusticia d’o mundo, como si estase un vasto panorama. A sinchusticia se me presenta en a mia puerta, agora, d’una traza inmediata”, deciba Hessel, qui demandaba no estar-se indiferent y denunciar as sinchusticias.

Hessel naixió de Berlín en 1917. En 1924, con su mai, plegó en Francia, a on que consiguió a nacionalidat. Miembro d’a resistencia mientres a Segunda Guerra Mundial, se unió a lo cheneral De Gaulle en 1941. Estió deteniu y portau t’os campos de concentración nazis, pero se’n podió eslampar. Dimpués d’a guerra, participó en la redacción d’a Declaración Universal d’os Dreitos Humanos de 1948. Yera l’unico redactor d’a declaración que quedaba vivo.

O clamamiento a la rebelión

Con o libro “Indignez-vous!”, un manifiesto de menos de sisanta pachinas que empenta a reaccionar contra las sinchusticias d’o mundo y a rebelar-se de traza pacifica, consiguió fa dos anyadas un gran exito de vendas, más que más en l’estau francés. Hessel bi avisada de que a resistencia ye, hue, muito más dificil que no fa trenta anyadas: antis más yera muito esclatero l’enemigo, se decise Hitler, Stalin u Franco, pero hue l’enemigo ye a sinchusticia, a pobreza, a explotación d’a tierra y a violación de qualsiquier d’os dreitos replegaus en a declaración qeu ell mesmo aduyó a redactar: una declaración, confesaba, que no se cumple.

 

Fuent: http://www.vilaweb.cat/noticia/4089227/20130227/mort-stephane-hessel-autor-indigneu-vos.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.