Muere un triballador en accident laboral en Zaragoza

Os bomberos no han puesto que rescatar o calavre d'o triballador

Un triballador ha muerto hue a causa d’una fuga de gas que s’ha produciu quan realizaba triballos de reparación u de mantenimiento en un forau d’obras en o vico de Delicias de Zaragoza.

Seguntes ha informau o Concello d’a capital aragonesa, o feito s’ha produciu sobre as 11.00 horas en a carrera Santa Orosia, quan que un operario, d’uns 40 anyos, se trobaba en una arqueta fendo a suya labor.

Al puesto de l’accident s’han desplazau os bomberos de Zaragoza, que han rescatau o calavre d’o triballador y tresladau a unatro emplegau d’a interpresa de mantenimiento d’as instalacions d’o gas afectau por a fuga a un centro hospitalario ta estar atendiu d’una intoxicación. En l’inte que os bomberos han feito o rescate encara saliba una gran cantidat de gas por a clau an que s’heba produciu l’escape.

En colaboración con responsables d’a companyía encargada d’o suministro s’ha procediu a tallar as claus de gas de toda a zona ta privar que continase o escape.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.