Mueren dos montanyers en Aragón en una chornada negra

Anviesta d'o Bisaurín dende Lizara

Anviesta d'o Bisaurín dende Lizara

Dos montanyers perdioron ahiere a vida en a montanya aragonesa. Os dos accidents se produciban arredol de meyodías, en l’ibón de Coronas, en Benás y en o pico de l’Aspe, entre Aísa y Candanchú. Un terceno accident, con un feriu grieu se produciba en o Bisaurín, amán d’o cubillar de Lizara, entre Aragüés d’o Puerto y Echo.

O montanyer muerto en l’ibón de Coronas escalaba solo y s’estalapizaba dende gran altaria. Una colla de senderistas ha trucau a os servicios d’emerchencia, que encara no han puesto rescatar o calavre por o mal orache. L’helicoptero que prebó de rescatar o cuerpo, en conoixer de camín que ya heba falleciu, chiró enta o pico d’Aspe, an que s’heba recibiu l’atra trucada d’emerchencia, quasi a la vegada.

En iste segundo accident, un hombre de 56 anyos, de Pamplona, moriba en estozar-se dende una altaria de 300 metros, mientres prebaba de puyar enta o pico l’Aspe.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.