Muestra agroecolochica en o vico de María Auxiliadora de Uesca

Se ferá o sabado en a Plaza 'Pirineo de Huesca'

Mercado_Agroecologico_HuescaO venient sabado 19, aintro d’o programa de fiestas d’o vico de María Auxiliadora, se ferá una muestra agroecolochica con a participación d’una colla variada de productors locals. Será de 10 a 14 horas en a Plaza d’o Pirineu de Uesca. Ye promovida por l’asociación de vecins d’o vico, l’asociación d’agroecolochía Eléboro (Chigüerre) y Ecologistas en Acción.

Ye a primer edición que a organización deseya que tienga continidat con atras muestras en os diferents vicos d’a ciudat. Mientres o maitín d’o sabado, os uescanos podrán mercar toda mena de productos tradicionals y de temporada d’a redolada (aceites, olivas, patés, hortalizas, verduras, fruitas, pan, repostería, vins, zafrán…). Tamién bi habrá información sobre como se fan de traza ecolochica totz os productos y se i podrá conoixer a faina d’as diferents asociacions d’a ciudat que treballan afers d’agroecolochía (collas de consumo, gastronomicos, ecolochistas…) A muestra se dinamizará con atra mena d’actos como l’actuación a las 12 d’o coro Arcadia I, tallers, y capezutos.

Con ista muestra ‘se preba d’amanar a los vecins d’0 vico María Auxiliadora en particlar y a totz os uescanos en cheneral, a faina y a importancia d’os hortelans y elaboradors d’a redolada que desembolican as suyas produccions siguindo os criterios de l’agricultura ecolochica, conseguindo asinas virolla de gran calidat, que ye buena t’a salut y aduyan a mantener un meyo ambien sano’. Antimás, se planteya a potenciación d’os circuitos curtos de comercialización, a on que os consumidors puedan conseguir istos productos dreitament d’as personas que los han feito y tiengan toda la información que calga sobre o proceso que bi ha habiu ta conseguir-lo.

A muestra tien un caracter festivo por que ye aintro d’o programa de fiestas d’o vico, pero tamién tien un caracter reivindicativo, dada a dificultat que bi ha en Uesca ta poder conseguir ixa mena de productos a tamás de que se fan en a redolada y d’a importancia que tiene t’o desembolique local. Por ixo, os productors y asociacions que bi sigan informarán de como continar mercando ixos productos.

 

Fuent: http://arainfo.org/2012/05/muestra-agroecologica-en-el-barrio-de-maria-auxiliadora-de-huesca/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.