Muestra de cine feito por mullers en Boltanya

Con motiu d’o diya internacional d’a muller a colla de Mullers d’o Sobrarbe para como cada anyo dende fa cinco, a muestra d’o cine reyalizau por mullers.Iste anyo, a muestra, fa un homenache a Josefina Molina, Goya d’Honor de 2012, prochectando a suya cinta “Función de noche”. Reconoixe asinas o festival a suya trachectoria profesional con mas de 30 anyos de televisión, cine, teatro y narrativa, asinas como o suyo compromiso feminista y politico.

Entre istes quatro diyas, se podrá visitar a exposición “Zaragoza Rebelde: Movimientos Socials y Antagonismos 1975-2000”, una exposición sin animo exhaustivo, que presienta visions y versions parcials, no hierarquicas, descentralizadas y colectivas de procesos socials y politicos transformadors, buscando potenciar no a remeranza, sino a reflexión y l’acción critica frent a las inchusticias socials. Será emparada por una exposición de pegallos d’istos movimientos cedida por O Centro de Recuperación de Pegatinas.

Como siempre os ninos y ninas tienen o suyo cado en a Muestra y, amás d’os tallers que s’impartirán en o servicio de guardería entre as procheccions, o maitín d’o domingo, 11 de marzo, se prochectará a cinta infantil “Animal Channel”, dirichida por a reconoixida y premiada Maite Ruiz de Austri, a sola muller directora de largometraches d’animación d’o cine espanyol. Ista cinta será presentada por a cuentista madrilenya Concha Real.

O programa

Chueves 8, en o Palacio de Congresos
21:00h. Devantadera d’a exposición “Zaragoza Rebelde: Movimientos Socials y Antagonismos 1975-2000
22:00h. Función de noche, 90′. Josefina Molina

Viernes 9, en o Palacio de Congresos

19:30h. Presentación d’a muestra
Actuación d’a Coral de Sobrarbe, De Tripas Corazón y Tacirupecas
Video d’o menuto: Identidades, 33′
Video d’o menuto d’o taller de Sobrarbe: Revolución, 9’
22:30h. Blog, 90′. Elena Trapé

Sabado 10, en a Casa d’a Cultura
11:00h. Taller d’analís fílmico: “Un acercamiento al lenguaje audiovisual”, impartiu por Eva Vargas. Duración 3 horas.

En o Palacio de Congresos
17:30h. Cortos en femenín 2011: Heroínas 3,30′. Hombres maquina 15′. Ahora no puedo 12´. Cosquillitas 5′. Solo sé que no se nada 14′. Camping 23´10”.
19:00h. Mercado de futuros, 110′. Mercedes Álvarez.
22:30h. En un mundo mejor, 113′. Susanne Bier
0:30h. Fiesta en Ula tabierna. Actuación “Licor de pájaro”

Domingo 11, en o Palacio de Congresos
12,00h. Sesión infantil: Animal Channel, 75’. Maite Ruiz de Austri. Dentrada gratuita
18,00h. Cortos en femenín 2011: Grand prix 8’, Long illness 11’, Pais 8’, Dicen 19’30”.
19,00h. Katmandú, un espejo en el cielo 104’. Iciar Bollaín.

Fuent: http://lascosasdeboltana.com/2012/03/05/xii-muestra-de-cine-realizado-por-mujeres/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.