Mullers en solfa

Pepín Banzo

Seguntes a RAE solfa en castesllán ye “melodía y harmonía, l’arte d’amostrar a leyer y entonar as diversas voces d’a mosica”. Pero tamién nos trobamos con atras acepcions, ya que meter una coseta en solfa, significa “fer-la con arte, regle y encierto”. Y asinas ye como definiría iste nuevo espectaculo, feito con arte, excelent tecnica y muita traza scenica.

Y ye que Ángel y Toche han feito o que muit bien saben fer, amostrar o nuestro folclore tanto musical como cultural interpretando y emocionando. Encara que ista vez a Chaminera ha creixiu numericament, redolada de quatro mullers que completan o cerclo d’iste espectaclo redondo.

Redondo musicalment charrando, porque a capacidat d’as suyas components ta executar diversos instrumentos, fa que sía un show dinamico y completo: clarinetinos, dulzainas, gaitas, chiflo y chicotén, guitarros, guitarras, requintos, curdions… de conchunta con chicotz instrumentos de percusión, no solament s’interpretan sino que fan vivir o propio argumento narrativo. Amás d’a excelent harmonización d’os coros, con Toche Menal y a suya carismatica voz perfectament conchuntada con as de Anacris Monteagudo y Alicia Remón un poquet mas joteras y as excelents harmonías realizadas por Sandra Almarcegui, Elena Polo y Ángel Vergara.

Completo argumental y scenicament charrando; cantas, bailes, tonadas, chuegos, anecdotas, chanzas y imachens perfectament enlazaus por un texto que fa un recorriu vital por as mullers d’a sociedat tradicional: nanas, chuegos y retafilas infantils, romances truculentos, falorias y cantas d’aimors, bailes, cantos de labor, ditos y coplas sobre as relacions de parella, sobre a viellera…

Podría dicir que se tracta d’un espectaclo aimau d’alto abaixo que engancha de prencipio a fin y que emociona, ya que mete en valor o legau cultural d’as mullers d’ahiere, transmisoras d’una parte important d’o nuestro patrimonio, amostrando-nos os diversos rols que en feban y metendo en valor o suyo esfuerzo por a consecución d’unas relacions igualitarias.

Mullers en solfa ye o nuevo espectaclo d’A Chaminera d’Angel Vergara y Toché Menal

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.