Multitudinaria protesta contra Putin

Quaranta mil personas desafión a Putin por as carreras de Moscou, en a manifestación más important d'a zaguer decada.

Vladimir Putin (Foto: Biquipedia)

Seguntes publica o diario catalán Vilaweb, milars de personas s’han tornau a manifestar hué en Moscou contra o primer ministro y favorito d’as presidencials d’o venient mes de marzo, Vladimir Putin. Seguntes os organizadors, una ampla plataforma d’asociacións civicas y partius opositors a o gubernamental Russia Unida, s’han mobilizau hué cient vinte mil personas en o centro d’a ciudat, con temperaturas de vinte graus baixo zero. A marcha s’ha rematau en a plaza Bolotnaia, a o canto d’o Kremlin, an s’ha tornau a reclamar una reforma politica, a repetición d’as lechislativas d’aviento pasau por sospeitas de fraude y que no se vote a Putin en as presidencials d’o venient 4 de marzo.

A policia ha contau trenta y cinco mil personas en a manifestación d’os opositors, man y menos ha zifrau en más de cient mil persones unatra concentración de partidarios de Putin, que s’ha feito de vez a una decena de kilometros. Atras fuents rebaixen a zifra d’ista atra manifestación dica poco más de vinte mil personas.

A d’a oposición ye a tercena gran manifestación en a capital rusa contra Putin dende aviento, dimpués d’as d’o 10 y o 24 d’aviento, as más multitudinarias dende a Perestroika. De feito, yera considerada una preba crucial por a coalición d’opositors politicos y personalidatz d’a cultura y os meyos, antis que no s’ubra la campanya por as presidencials d’o 4 de marzo.

Fuent: http://www.vilaweb.cat/noticia/3959646/20111211/multitudinaria-protesta-putin.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.