Nacions Unidas diz que l’emplego de drons d’EE.UU. en Pakistán viola a soberanía d’o país asiatico

O relator especial Ben Emmerson visitó Pakistán entre os diyas 11 y 13 de marzo

Un d'os drons (Foto: Radio ONU)

Un d’os drons (Foto: Radio ONU)

“L’emplego de avions no tripulaus u drons de man d’Estaus Unius en Pakistán se fa sin o consentimiento d’o gubierno pakistaní y, alavez se ye emplegando a fuerza en o territorio d’atro Estau y violando a suya soberanía“. Asinas lo afirmaba o relator especial d’as Nacions Unidas sobre a promoción y protección d’os dreitos humans y as libertatz basicas en a luita antiterroristas en un comunicau que fació dimpués d’a suya zaguer visita ta Pakistán.

Ben Emmerson estió en ixe país entre o 11 y o 13 de marzo, a on que se reunió con autoridatz nacionals en o marco d’as suyas investigacions sobre l’impacto en a población civil de l’emplego de drons y atras trazas de asesinatos selectivos.

L’experto independient tamién destacó que as autoridatz de Pakistán clamoron a lo gubierno d’Estaus Unius a aturar a campanya de drons de camin porque la consideroron contraproducent, ya que radicaliza encara más a toda una cheneración, perpetuando asinas o problema d’o terrorismo en a rechión.

 

Fuent: http://www.cronicadearagon.es/wordpress/?p=39275#!prettyPhoto

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.