Naixe Arredol

Logo feito por Laira Gonzalo

Logo feito por Laira Gonzalo

Ya somos aquí! Dimpués de bells meses de triballar baixo a pantalla de presentación y con o reloch corriendo enta zaga ya hemos naixiu ta o mundo. Somos Arredol. Un diario dichital d’información cheneralista que naixe con o deseyo de fer buena honra a l’aragonés y tamién a la información.

Arredol no ye un meyo de comunicación normal por a-saber-las razons. En primeras, porque achugamos por a participación ciudadana, a creyación de contenius por parte d’os usuarios. Tu puetz ser o corresponsal d’Arredol en o tuyo vico, lugar u ciudat. A tuya información ye important y t’ufrimos una finestra, batalera, ta que mos ninvies o que quieras veyer publicau.

O nuestro campo de chuego ye tota la información y especialment, a d’Aragón y as suyas redoladas. Pero la achuga mas important de Arredol ye a luenga. O nuevo prochecto será o primer meyo dichital d’información cheneral integrament en aragonés.

Pretendemos aconseguir un meyo estable y sosteniu en o tiempo que premita a la sociedat aragonesa contar con unatra posibilidat mas de informar-se y participar en a creyación d’a información. No somos un gran meyo de comunicación y no plegaremos a tot, encara que contamos con a vuestra aduya y o vuestro refirme. Pero si que tenemos a ideya de creyar contenius en aragonés que premitan normalizar l’emplego d’ista luenga minorizata en dembas poco exploradas dica agora.

En iste primer diya d’o nuevo meyo contamos con a presencia, o carinyo y o refirme de Quim Monzó u Antón Castro, y tamién con os articlos de columnistas que estaran mas a ormino con nusatros, como Eduardo Lolumo, Gonzalo González, Pepín Banzo, Daniel Torres Burriel u Marc Martí, a qui s’adhibirán en as semanas venients, atros nombres d’a cultura, a sociedat y a politica aragonesa.

O nuestro obchetivo ye iste, fer d’Arredol una uellada mas enta la realidat. No lo veyeremos tot, pero lo que veigamos, o feremos en ista luenga nuestra tan abatanada y dispreciada. Arredol ye a uellada en aragonés sobre iste mundo cambiant. Ya somos aquí!

Sobre Arredol

En Món Divers, en Fablans, en Aruelu, en Goza Zaragoza, en Vilaweb, en Arainfo,  en El Punt-Avui, en Diario Liberdade, en PGLingua, tamién en Esta es la Nuestra, de Aragón Radio, en Aragón Tv, en Gara, Fendo Orella, de Radio Topo, en Radio Matarranya, en Diagonal.

22 Rispuestas a Naixe Arredol

  1. JAVIER ESPLIGARES

    Noragüena a toz. Iste ye o gran diya ta toz os aragoneses. Entalto Aragon. Adeban y suerte.
    No soy hablante de aragonés, desgraciadamente, pero lo entiendo perfectamente y, a través de este medio, espero poder escribir medianamente en nuestro idioma. Felicidades.

  2. Javier García Flórez

    Bienplegada ista sobrebuena iniziatiba. No reblez.

  3. Como bien diziba un pegallo de fa belunas añadas, zorrupiar, buquir y fablar to ye emprencipiar, ansinas busatros habéis comencizipiau una gambadeta que se torne larga y zereña, plena de libertá
    Salú

  4. José Antonio Santanatalia Arrizabalaga

    Enhorabuena. Un esfuerzo que seguro tendrá recompensa, con lectores y parabienes.
    Una sugerencia: ¿Se podría añadir a la página un diccionario?
    Saludos a todos

  5. Biemplegaus i bienesperaus a toda la chen que escribe i que fa posible iste meyo, un salut d’un aragonés dende Catalunya. A plantar fuerte.

  6. Muitas grazias. Mos dinnixificaz como fablans. Leyer notizias d’agora mesmo en aragonés, una reyalidá, esluzernán…

  7. Alberto Lamora. Chundarata y mayestro d'aragonés en Bcn.

    Muitismas felizidaz, Chorchet y compañía!!!!! Mos hez allegrau el día, muitismas grazias.

    Toz es parabiens pa busatr@s, ARREDOL, toz es maitins mos trobarem con el café y la ducha. Entadebant y a no rebllar. Dende aquí espentarem con lo que se pueda.

    Ben pllegaus/adas!!!!

  8. Alberto Lamora (Chundarata! y mayestro d'aragonés en BCN)

    Muitismas felizidaz, Chorchet y compañía, y muitismas grazias per alegrar-mos el día!!!

    Toz es parabiens pa busatr@s, a no rebllar y entabant. Dende aquí espentarem tot lo que se pueda.

    ¡Bien pllegaus/adas!

  9. Muitas felicidatz a totz os que hetz feito posible iste suenio! Entabant!

  10. Santiago González

    Entabant des de Euskal Herria!!

  11. Lluis/Xavier Flores Abat

    Parabiens per la vuetrra iniciativa, de tot corazon, y tos deseyo sincerament muitos anyos en ista aventura editorial, pllena d-ilusions y esfuerzo voluntarista. Confio pllenament que ARREDOL siga definitivament la plataforma que aduye a construir y difundir ixes paraestandars tan y tan necesarios ta l’establimiento futuro d’un modelo estandar aragones converchent, fonamentau, rico y aceptau per totz u a lo menos per una gran mayoria d’es aragonesoparlants. Ya sabetz que totz no i seran contentos [encara que me feria goy entivocar-me].

    Soi mes que convenciu que la presencia de noticias escritas en totas las parlas aragonesas vivas [u no tan vivas], asinas como d’altras redactadas en ixes incipients y necesarios modelos paraestandars [occidental, central y oriental] ye muit necesaria en ARREDOL, chunto a d-altras recatadas en ixe modelo comun, no acabau encara de construir, pero que va enriquind-se chino-chano. No cal correr, l’estandar u modelo comun ye necesario, pero las parlas vivas cal reforzar-las con ixes modelos supracomarcals< no cal minchar/se iste important paso.

    Aspero que tiengatz isto muit en cuenta, de verdat, perque asinas conseguiretz poquet a poquet que es parlants nativos, mes que mes, pero tame es neoparlants se sintan representaus, asinas como totas las parlas de l'aragones. Ye el modelo de planificacion linguistica eslechiu per es romanches y mes que mes per es nuestros vecinos occitanos, el qual es ha evitau mes concaramientos d'es que podeva tener la suya y tame minoritaria lluenga. Y recordat que ells llevan mes tiempo en iste proceso. Aprengaz d'ells.

    Ni soi el primer que diz isto [profes que no] ni sere el zaguero. Parat cuenta en isto, perque sin dubda ye la clau de l'exito y tame la millor guisa u traza d'aduyar a l'aragones {estoi mes que convenciu, convencidisimo] y de fer com cal las cosas tal como s'encuentra la nuestra lluenga [tan dividida, deseparada y en un estau agonizant}.

    Den de Londra y con tot el mio carinyo y admiracion, de nuevo parabiens y un fuerte saludo a totz. Enta devant ara mes que mai!

  12. Lluis/Xavier Flores Abat

    “…chunto a d’altras redactadas…” queriba dir en el segundo paragrafo. Perdon.

  13. Xosé Firmu García Cosío

    Dende Asturies muncha suerte nesti proyeutu tan prestosu, collacios y collacies d’Aragón.
    La sobrevivencia de la vuesa llingua y cultura arriquez esti mundiu nuesu.
    Aguardo porque Arredol tenga una llarga y granible vida y que veamos espoxigar esa llingua hermana de l’asturiana en tantos sufrimientos y desprecios.
    Falamos, ho.

  14. Norabuena por ista iniciativa tan valient en iste dificil mundo d’o periodismo dichital.

    Poder escomencipiar una iniciativa plural en as que las diferents modalitatz locals puedan tener bell puesto ye miuto important ta que as chens d’as nuestras vals que encara charra l’aragones se sientan os primers protagonistas d’a renaxedura de l’aragones.

    La tria d’ista modalidat ortografica amanara a muitos charrador patrimonials a l’aragones escrito. Ye alacetal que l’aragones pueda tener una norma romance adeptable per totz.

    De buen naxito ye ser agradexito. La chen d’o Consello d’a Fabla ha feito una faina enorme. Sin d’ixa faina agora quizau no poderba estar escribindo en ista niciativa d’Arredol. D’una traza u atra totz u cuasi totz semos fillos de os Nagores, Nabarros, etc. Totz femos falta denguno sobramos. Que una “b” u una “v” no nos desepare d’iste asperanzador camín de una luenga milenaria.

    A plantar cereño.

    • Quanta razon companyer! Suscrivo las tuyas parolas totalment y confio que es administradors d’Arredol paren cuenta en isto, perque en totas las luengas minoritarias ista ye estada la clau de l’exito de la suya espardidura entre es parlants nativos, alacetals ta la suya supervivencia como tamien el son es que l’aprenden de nueu. Recuperar o ret d’informadors y colaboradors que teneba fa tiempo “O rayon” de Ligallo de Fablants en as vals altoaragonesas, una iniciativa magnifica a la suya epoca, ye tamien muito, muito important. Animo y enta devant. Ara mes que nunca cal estar unius y luitar per iste idioma!

      • Antonio Serón Gascón

        Tot isto qu diz ye pro bien, profes que cal estar chunius y triballar de conchunta. Pero te rezento a mia istoria:
        He 50 añadas, con 16 empezipié a triballar por l’aragonés. Estié un de os que firmé as primeras normas graficas de l’aragonés. A mia muller ye fablán natiba. As mias fillas charran dende que nazieron. Yo lis amostré a lier y a escribir en aragonés, como yo lo lebo fendo dende fa 34 añadas.
        Agora, as mias fillas me dizen ¿por qué a chen escribe agora d’istas trazas? A muller me diz tamién que somos reculando y lo mio suegro; “pa ixo tornar ta lo castellano como nos diziban en la escuela”.
        No m’agana fer polemica, me creigo que ya he fablau pro de lo tema. Pero que belún de busotros me contesté ¿que fo?

  15. Bien plegatos y grazias por esfender l’aragonés, no dixaré de leyer-lo mesmo un solo diya. Ixo se clama rasmia ARREDOL

  16. Norabuena dende Bielsa, que la vuestra inciativa dure mutos anyos. Enta debant.

  17. Antonio Serón Gascón

    Istas iniziatibas nos plenan de goyo a os que lebamos tantas añadas beyendo o parando proyeutos que empezipian y rematan ascape. Iste fa güena pinta, bi-ha muita chen dezaga con asabelas ganas. Si a politica no se finca entremeyas, fará goyo peatoniar lo camín.
    Noragüena y t’adebán, o prosimo trango que ascuitemos l’aragonés en a radio y en a telebisión, pa empezipiar Aragón Radio y Aragón Televisión.

  18. felicidades! Aunqué mi zona linguistica es catalanoparlante entraré cada día para leer vuestras noticias, la verdad es que acostumbrados a la cada vez peor calidad de las noticias del Heraldo, las noticias de pago del DiariodelAltoaragón, las faltas del periódico… Me ha gustado como enlazais con mini imagen noticias relacionadas a pie de cada artículo, creo que está bien de contenido se hace ameno, quizá hace falta algún titular diario, a modo de Huffington Post ya que teneis una estética parecida. Vamos que os podeis sacar mucho partido. Para empezar os podrías poner en contacto con Omedes y colaborar para poner una ruta al mes acerca del románico, seguro que aumentarías seguidores!

  19. Pingback: Felicidades a Arredol | AraInfo | Achencia de Noticias d´Aragón

  20. Parabens ao arredol.com. é mais uma língua latina que exprime sua voz como um bebê chorão que não tem como esconde-lo do grande público.

    Eu não sei escrever em aragonês mas leio e entendo muito bem.

Responder a Lavi Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.