Neré y Canelito no son responsables de l’ataque en Aragües d’o Puerto

Totz dos eixemplars d'onso han deixau d'estar sospeitosos en constatar que o día de l'ataque se trobaban en Francia y en localidatz muit aleixadas de territorio uescano. A DGA estudiará o suceso ta fer-se cargo d'as indemnizacions.

O Gubierno d’Aragón ha confirmau que bells tecnicos de Meyo Ambient s’han trasladau dica Aragües d’o Puerto ta estudiar o caso d’as 100 vacas xerbicadas pero ya han deixau claro que ye mas que improbable que o suceso tienga bella cosa a veyer con os onsos que viven en o Pirineu.

Realment no descartan de forma rotunda garra hipotesi pero han puesto confirmar que tanto Neré como Canelito, tienen ‘coartada’ ya que o día d’autos se trobaban en Francia. O pasau día 18, o primer d’ells estió detectau en una localidat proxima a Laruns (Val d’Ossau) mientres que Canelito, os días 23 y 24 de chunio, se trobaba en as proximidatz de Gèdre y Luz Saint-Sauver, todas ellas localidatz muit aleixadas d’Aragües.

Ya en as horas posteriors a o descubrimiento d’os 61 calavres se descartó a posibilidat d’un ataque d’istos dos animals. En o suyo transitar por os distintos camins, l’onso deixa rastros evidents d’os suyos viaches. En Aragües d’o Puerto no s’ha trobau bayo y tampoco no atros indicios como, por eixemplo, pels.

“S’han revisau totz os accesos t’o puerto y no s’han trobau indicios de presencia d’onso en garra caso. Amás, en as camaras de fototrampeu colocadas en as colladas d’arredol no i amaneixe l’onso en os zaguers días. I hai presencia constatada de totz dos eixemplars que transitan esporadicament ista zona d’o Pirineu aragonés, en puertos d’o costau francés”, confirman dende o servicio de Biodiversidat d’o Departamento de Meyo Ambient d’o Gubierno d’Aragón.

D’o que sí pareixe haber constancia ye d’a presencia de cans y de montanyers, bella cosa mas que habitual en ista zona de montanya, muit amanada t’o cubillar de Lizara.

Dende a DGA han demandau a os ganaders que faigan servir o seguro agrario. Manimenos, Modesto Lobón, consellero d’Agricultura, ha confirmau que os equipos d’investigación serán sobre o terreno “quanto tiempo faiga falta y con l’equipo necesario” ta esclarir as causas d’o suceso.

Antiparte, tamién s’ha confirmau que as 61 vacas muertas no se replegarán. Se troban en un puesto 100% inaccesible t’o servicio de replegada y, aplicando a normativa vichent, no i hai obligación de retirar-las ya que no existe risque de contaminación. Por tanto, se deixará que os vueitres s’alimenten d’as mesmas. “Ya son dentrando en a zona ta alimentar-se”, confirma Manuel Alcántara, Chefe de Servicio de Biodiversidat.

Fuent: http://www.aragon2.com/n-19748-4-Nere_Canelito_responsables_ataque_Aragues_Puerto

6 Rispuestas a Neré y Canelito no son responsables de l’ataque en Aragües d’o Puerto

  1. Los osos no fueron los causantes de la muerte de las vacas.

  2. Creigo que ixas vacas eran de una secta y s’han suicidau porque la fin d’o mundo ya ye cerca.

  3. i habría que viyer que ha feto esto.podrían estar tamien onsos de la val d´Aran,ya que se comunican con ansó.Tamien podrían estar cans asalvachaus,no se tot podría caber.El que tamien ye posible ye que la diputacion nigue que hayan estau es onsos ta no pagar.L´atra vez(antes de que sucedese esto) ya dicion en el periodico que no podrían pagar las reses muertas per onsos.

  4. aragonés fiero

    Esta chen de os lugars a unica delera que tienen en a vida son os diners, y son capables d’inbentar-sen cualisquier cosa ta pillar perras.

    No descarto a hipotesis de que haigan estau os pripios dueños d’o bestiar os que haigan prebocau a eslampida mortal.

    A esta chent nomás les importan os dines. Papa DGA ya no solta tantas perras ta la comarca, ni ta os concellos, Boné ya no ye en medioambient ruxiando de diners as comarcas y concellos, os plans de desembolique local (con os que se frotaban as mans a chen d’estes lugars) se han paralizau, os fondos LEADER ya no son tan sucosos como antes, y se o controlan más (ixo de fer una casa rural a fondo perdiu, y en 5 años , sin fer garra marketing, a casa ta tú….)

    Habriaz de conoxer bien a la chen de o mundo rural aragonés. Cazasubvencions, y amogolona-diners, ixa ye o suyo modo de vida.

    Y de cabio cuan prebar de ir-nos con o rollo de o romanticismo aragonés de os pirineus, de os lugars albandanaus….TOT MENTIRA.

    • Si claro. Los ganaderos no tienes otra cosa mejor que hacer que matar el fruto de su trabajo.
      Que facil es hablar cuando no se vive en el pirineo y defender cosas que se desconoce desde la apacible ciudad.
      Piensa un poquito antes de hablar

  5. Que os onsos d’a Val d’Aran se comuican con os d’Anso?? No he sentiu mayor burrada en a mia vida.
    O gubierno d’Aragón ye o primer intresau en decir que os culpables son os onsos. Perdón, o primer no, que ixe ye Heraldo d’Aragón, o sinyor Boné ye o segundo, porque si fan mala propaganda d’os onsos, incita a que bell trastornau mental pille a escopeta y les de muerte a ixos pobres animalóns, prou que sin garchola, ni pinyora, ni brenca. Y aavez o sinyor Boné y os suyos amiguitos d’Ibercaixa tienen vía libre ta fer d’os Pirineus una pista esquí.

    Me pareix una vergonya que encara bi haiga chen que contine culpando a os ansos. Si ha chen tenese más cultura sabría, que amenistamos os onsos ta conservar a biodiversidat d’os Pirineus, porque conservando a l’onso, conservamos as abellas. Conservando a las abellas, conservamos a polinización, y asinas as flors, d’as que s’alimentan muitos insectos y mamiferos.
    D’atra man, os onsos, d’o que s’alimentan principalment, ye de bayas, y tamien contribuyen a la conservación d’istas especies vechetals.

    Os onsos han estau dende siempre en istos monts. Dende antis encara que no as avionetas, que en pareixer son as culpables d’ista masacre.

    Asinas que menos avionetas, que contaminan muito y estricallan o meyo, y más onsos, que son os que lo conservan!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.