No bi ha cosa nueva baixo lo sol, u entre lo cierzo

Daniel Torres Burriel

Una canta d’os exeyans Tako me fa de sincusa ta ubrir un editor de textos y escribir bella cosa que quiero dicir antes que 2013 no se remate. “Balas de vodka” ye un de los temas menos conoixius d’a banda d’as Cinco Villas, pero por contra ye un d’os mas cudiaus en a producción ta poder estar consumius por o gran publico. Crasa error. Tako siempre ye estada una colla que ha practicau l’acción directa en as suyas temas. Si te fa goyo, bien. Y si no, a muyir fardachos.

A popularización que a tecnolochía ha experimentau en o prencipie d’o sieglo XXI, y que ha permitiu a buena ripa de personas d’adhibir-se a un mundo complexo, ocioso, inseguro, falto de privacidat pero a la vez divertiu, con un punto d’hedonismo, amable y especialment adornau por as ganas de comunicar-nos con os nuestros semellants, ye un feito. No ye o futuro, ni ye o que viene. Ye o que existe entre nusatros antis no que n’estasenos conscients.

Y succede bella cosa pareixida que quan os Tako se encerrinan en adornar as suyas cantas con tintes de producción comercial. No son ells, son unatra cosa. Por muito que nos encerrinemos, se n’enceneguen, nos preben de convencer internet y as tecnolochías d’a comunicación fan exactament lo mesmo que hemos quiesto fer como sers socials que somos: estar amán d’os nuestros, u de qui queremos que sigan os nuestros. Ixo sí, d’una forma muito mas sencilla que no antis más, y con un elemento de ubicuidat nunca antes conoixiu.

Ni nos aislamos, ni nos tornamos asocials, ni se tallan as canals de comunicación con os nuestros semellants. A lo contrario: se fan muito mas intensos, mas ricos y de mas valor. Y si puyo l’achuga, nos permiten sentir-nos parte de cerclos d’os que nunca antes podríanos haber pensau d’estar-ie. Buena preba d’ixo, y me permititz que meta un eixemplo personal, suposa ta iste que escribe sentir-me amán de chent como Natxo Sorolla (@natxosorolla) quan escribe (y yo le leigo) sobre o LAPAO d’o diaple, Piluca Escamilla (@piluquita) quan baralla devant la miserable actuación de patriarcas caducos, u Sergio d’o Molino (@sergiodelmolino) quan mete en negro sobre blanco qué, cómo, quán y por qué as parolas s’ordinan con l’exquisito gusto a que nos acostumbra.

No bi ha cosa nueva baixo lo sol, u entre lo cierzo

Una rispuesta a No bi ha cosa nueva baixo lo sol, u entre lo cierzo

  1. Veste ta chitar, zagale. Si no ten vas, res

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.