No bi ha crisis ta los autos de luxo

Baixan as ventas de utilitarios mientres que as d'autos de luxo continan puyando

Auto de gama alta (Foto: G. Gimeno)

Auto de gama alta (Foto: G. Gimeno)

Hue son estadas publicadas por ACEA (L’asociacion europeya de fabricants d’Autos) as estatisticas de nuevas matriculacions d’autos a ran europeyo. Ye estau unatro mes negro a tot o sector, ya que as ventas son baixadas d’un 6.9% en cheneral en tot o continent.

As zifras acumuladas de tot l’anyo son encara piors y fan un retacule de -7.5% contimparau con o 2011. Por marcas de vehíclos, os segmentos utilitarios mas populars son os que acumulan as cayitas más cerenyas como Renault que baixa un 23% acumulau en tot l’anyo, Seat con -17% u a nivel más interesant ta los intereses de l’industria en Aragón, Opel caye en toda Europa (o destino principal d’as exportacions dende Figueruelas) un 17%.

Sin dembargo os autos de segmentos consideraus de luxo continan puyando as ventas, asinas os resultaus acumulaus de 2012 son : +4% ta Audi, +0.6% ta BMW, Mercedes crexe un 5.5%, Lexus +11.7%, Jaguar-Land Rover +33.4% y Bentley-Bugatti-Lamborghini lo fan totz chuntos un 37%

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.