No bi habrá referendum en Grecia

O gubierno griego anuncia que no consultará a lo pueblo sobre o "rescate"

O ministro de Finanzas griego Evángelos Venizelos ha anunciau, en nombre d’o gubierno, que no se ferá garra referendum sobre o rescate financiero de Grecia anunciau ista semana por o primer ministro Yorgos Papandreu.

Evángelos, qui no yera d’alcuerdo con a convocatoria d’o referendum, creye que “ye positivo inviar iste mensache t’os socios europeus”. O ministro adhibió que cal que “Grecia tienga un gubierno estable y un sistema bancario a salvo” ta poder recibir antis con antis o tramo crediticio de 8.000 millons d’euros d’un primer rescate. A critica situación desiche que se consigan tres cinquenos d’o Parlamento t’aprebar l’alcuerdo por o que a Eurocolla aprebaba o segundo rescate a Grecia.

Manimenos, Papandreu no pareixió tan convenciu. Dició que será o gubierno suyo qui decidirá si se fa u no pas o referendum. “Fer-lo u no ye a nuestra decisión. Talment sigamos baixo supervisión financiera internacional, pero as decisions las prene o parlamento y o gubierno.

Maitín o primer ministro concarará una votación de confitanza y puet estar que luego se creye un gubierno d’unidat nacional.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.