“No siempre o más gran ye o millor”. José Antonio Pérez Cebrián, director cheneral Caja Rural de Teruel

Caja Rural Teruel no tien en l'horizont garra fusión y planteya cumplir os obchectivos ta continar en a suya mida "provincial"

José Antonio Pérez Cebrián, director cheneral de Caja Rural Teruel

José Antonio Pérez Cebrián, director cheneral de Caja Rural Teruel

No siempre o más gran ye millor“. Ixa ye una d’as frases clau ta entender porque Caja Rural de Teruel encara no ha feito parti de garra fusión, como atras entidatz aragonesas. O suyo director cheneral, José Antonio Pérez Cebrián, tien platero o modelo de caixa que quiere ta Caja Rural Teruel, o “modelo europeyo de caixas rurals que consiste en mantenimiento de caixas de todas as grandarias integradas en un organismo central, tal como hue tenemos as caixas rurals que contamos con un banco propio, o Banco Cooperativo, una companyía de
seguranzas ,RGA, u una companyía informatica, RSI“.

Iste modelo que esfiende Pérez Cebrián s’alazeta tamién en que os organismos centrals s’ocupen d’a solvencia, liquididat, eficiencia y risgos, que por l’inte, Caja Rural Teruel supera, con as dificultatz de l’actual estau economico, pero sin grieus problemas. “CRT ye una d’as entidatz más eficientz d’Espanya, cuenta con un mercau provincial solvent y en os zaguers 4 anyos ye d’as pocas entidatz que amillora marguins“, asegura o director cheneral d’a Caixa Rural. “Ta qué, por ixo, una fusión?“, se pregunta, y se risponde “No siempre lo gran ye lo millor,ni eficaz,ni eficient, y no siempre lo prou gran ye prou fuerte, simplament ye prou gran, y de vegadas, por ixo, feble“.

As marguins d’explotación de Caja Rural Teruel en os 4 zaguers anyos,incluiu iste 2012 han iu a l’alza cada anyo. “Al estar instalaus en una crisi, como ye de dar, o 75% de
ixa marguin ista indo a saneyar activos danyaus y asinas será en 2012 en que a Lei financiera va a dexichir encara más saneyamiento. Somos optimistas y
creyemos que tenemos un buen futuro por debant como tenemos una magnifica historia por dezaga“, afirma convenciu.

Debant d’iste argumentario, l’important, seguntes Pérez Cebrián en o país, ye que o mapa de fusions en Aragón contine deixando un “sistema financiero propio, sano, solvent y rendible“, pero tamién que contine contando “con entidatz propias con siedes socials en Aragón, lo que será muit positivo t’a nuestra economía y con un territorio tan espoblau“. Ye important, diz o director cheneral, que “d’a crisi salgamos fuertes, pero tamién con os principios d’a banca social sobre la mesa. A fuerza d’una caixa provincial la fa estar amanaus a os problemas y las necesidatz d’a chent, l’aimor a lo propio, a utilidat, a propiedat d’estar en una cooperativa que perteneix a 20.000 socios teruelans que son qui deciden creyar riqueza aquí“.

Dación en pago

José Antonio Pérez Cebrián, remera tamién que l’actual lei hipotecaria tamién contempla a dicida “dación en pago”, por a que se pueden cancelar as hipotecas con a entrega d’a casa hipoteca, manimenos “no se ha comercializau prou porque ixo carriaba tipos d’intrés más alteros y menor porcentache de financiación“. Caja Rural Teruel, en tot caso, s’adhibió dende o primer diya a o Codigo de buenas practicas ta la protección de deudors hipotecarios sin recursos. Con ista mida, voluntaria ta las entidatz financieras, se preba de restructurar as deudas hipotecarias de qui tien grieus dificultatz ta o pago d’a suya deuda, encara que con bellas condicions, como que os miembros d’a unidat familiar sigan privaus de recursos laborals o economicos, que a quota hipotecaria siga más gran d’o 60% d’os ingresos d’a unidat familiar o que a guarancia d’o credito siga la unica vivienda d’o deudor.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.