Nogara prencipiará o nuevo curso celebrando 25 anyos

L'asociación fa 25 anyos defendendo a luenga y fendo clases d'aragonés

O curso de Lituenigo ya ha prencipiau

O curso de Lituenigo ya ha prencipiau

L’Asociación Cultural Nogara fa en iste curso 25 anyos d’actividat de defensa de l’aragonés. En istos primers diyas de noviembre prencipiarán os suyos nuevos cursos de 2015/2016 en Zaragoza. En Lituenigo, ya han prencipiau tamién os cursos d’a Colla Gonzallo Ferrer, vinclada tamién a ista asociación.

Como de cutio, s’ufreixen dos nivels. O primer, d’iniciación, con horarios mierques u chueves de 19 a 22, u sabados de maitins. O curso de segundo nivel se ferá os lunes de 19:00 a 21:30. Antimas, tamién tienen a posibilidat de fer-lo a distancia, curso ideyau pa la chent que no vive en Zaragoza u que no puede ir-ie en ixos horarios.

Pa apuntar-se-ie se puede fer-lo en a suya siede, en a Plaza Asso u contactar con l’asociación por telefono (976 39 07 08) u por os retes socials.

Nogara ye celebrando antimás os suyos 25 anyos de faina con una campanya an que convidan a la chent a fer-se una foto, un selfie u un video  fendo servir o hashtag #Nogara25anyos. Antimás, ta promocionar os cursos s’han puyau trozos de cintas famosas doblaus a l’aragonés, que s’han compartiu a-saber-lo por os retz socials.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.