Nogara y Fablans celebrarán a XV Borina por l’aragonés en L’Almozara

Mientres toda la tardi se ferán actividatz arredol d'a luenga

cartelO sabado 13 os aragonesofablants zaragozanos tenemos una nueva oportunidat de fer servir a nuestra luenga en un ambient de borina y rodiaus de socios, alumnos y amigos de dos d’as asociacions más grans en esfensa d’a luenga de Zaragoza: Nogara y Fablans. En ista XV Borina por l’aragonés, a chornada marcha enta l’Almozara, t’a Penya Pa Cutio (C / Íxar), a on que Nogara ye fendo un curso d’aragonés estianyo.

As chornadas prencipiarán con una chenta popular con migas caseras. Dimpués t’a sobremesa, se ferán campionatos de guinyote y futbolín que prencipiarán a las quatre. L’animación cultural prencipiará dende as seis d’a tardi con un homenache a Lorca de man d’os mosicos Eugenio Arnao y Carmen Orte. Chusebinos folk ferá bailar a la chent con o suyos espectaclo de mosica folk, estilo que mezcla con ritmos d’Orient Meyo Majama, a siguient colla en tanyer. A nueit rematará con a Joven Pachanga, una colla de chent muito choven que mezcla mosica tradicional aragonesa con percusions de tot lo mundo.

Antimás, como ye cutiano, bi habrá un bingo en aragonés y puestos d’as asociacions a on que se podrán trobar libros, discos, chambretas y toda mena de materials relacionaus con l’aragonés y, prou que sí, informar-se sobre as suyas fainas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.