“Nos toca”: mosicos convocando a la resistencia dende Zaragoza

Una plataforma de mosicos prencipia en Zaragoza una chira anticapitalista

cartel

“Refirmando as luitas por os nuestros dreitos, a nuestra dignidat y as nuestras vidas”: asinas prencipia o Manifiesto anticapitalista d’a mosica en l’Estau espanyol, que ya suma más d’un ciento de collas, mosicos y chent y organizacions d’o mundo d’a mosica que se i han adhibiu.

Zaragoza acullirá o venient viernes, en o Parque Delicias,  “o primer capitol” de “Nos toca” con un concierto a on que belunas d’as collas sinyants d’o manifiesto ferán sonar a suya mosica. Violadores del verso, Gen, the dust bowl, DJ Finado y R de Rumba porque creyen que “L’arte no ye nomás estetica. Una canta no ye nomás una melodía polida que te enfuelga os oyius. A mosica ha de servir d’altavoz y de diyario d’a rabia que surte arredol de nusatros”.

O manifiesto se puet leyer en o blog que han presto, a on que tamién pueden sinyar collas, mosicos, DJs, distribuideras, … Tamién se i puet trobar o video que facioron anunciando lo concierto y denunciando as retalladas y inchusticias d’o capitalismo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.