Nueva agresión neonazi en Zaragoza

Os feitos acontecioron o martes en una centrica carrera d'a capital aragonesa

A la cucha d'a imachen Francisco Javier Bueno, líder d'o MSR en Aragón. Sin chambreta, l'agresor. Fuent: Twitter.

A la cucha d’a imachen Francisco Javier Bueno, líder d’o MSR en Aragón. Sin chambreta, l’agresor.
Fuent: Twitter.

En a tarde d’o martes tres neonazis agredioron a un choven que se trobaba en una terraza d’o Paseo d’a Constitución de Zaragoza. L’agrediu se trobaba chunto a uns amigos, quan os neonazis pasoron y le increporon. Encara que no habió respuesta por parte de l’agrediu, un d’os neonazis s’abalanzó sobre ell, agredindo-le brutalment, dica o punto de crebar-le o naso.

Se da a casualidat de que o choven ye un d’os agredius a prencipio de mes en Zaragoza, con o que no se descarta que a nueva agresión, no sía mera casualidat y siga parte d’una campanya de represalia, en haber reconoixiu y denunciau a os neonazis que l’agredioron o primer d’agosto.

L’agrediu ya ha presentau parte de lesions a la policía, y dimpués d’a visita medica de hue, presentará a correspondient denuncia.

Os vinclos entre a organización neonazi Movimiento Social Republicano (MSR) y iste tipo d’agresions son cada vez mas latents. En ista ocasión, y como ocurrise en l’agresión de primers d’agosto, l’agrediu a reconoixiu a un d’os suyos agresors por fotografías compartidas en os retz socials. En ellas se le veye participando d’una concentración d’o partiu nazi MSR y en unatra, a que ilustra ista noticia, comparte fotografía con Francisco Javier Bueno, lider d’o MSR en Aragón.

Fuent: http://arainfo.org/2014/08/nueva-agresion-neonazi-en-zaragoza/#more-64546

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.