Nueva versión de Skype y programas d’accesibilidat informática en aragonés

Ya se puede sentir a l'ordinador leyer en aragonés

skypemsn.jpgDende hue, 8 d’abril, o popular servicio de mensachería instantania Messenger prencipia a deixar d’existir y totz os suyos usuarios pasan a estar disponibles en Skype. Coincidindo con ista fita, dende softaragonés han presentau a traducción ta l’aragonés d’a zaguera versión de Skype, d’as qualas se puede trobar as instruccions de descarga y instalación en o suyo wiki

Tamién ha amaneixiu hue en internet a primer versión estable en aragonés d’o programa Non-visual Desktop Access (NVDA). Ye un lector de pantalla de codigo ubierto ta ciegos y deficients visuals que premite lo emplego d’ordinadors con sistema operativo Windows de traza totalment funcional. Se puede baixar aquí. Antiparte d’una interficie d’usuario en aragonés, os usuarios de NVDA pueden trigar, sin que calga instalar garra complemento, una voz en aragonés que puede leyer qualsiquier texto en a nuestra luenga. Ista voz corresponde a o programa de sintesi de voz eSpeak, un sistema basau en o metodo conoixiu como “sintesi de formants”, que ya existiba ta muitas luengas, y dende agora, tamién l’aragonés. Se puede instalar y fer servir de traza independient, y puede fer que l’ordinador leiga qualsiquier texto escrito en aragonés.

Y no ye a sola buena noticia quanto a l’accesibilidat informatica. Dende Softaragonés informan tamién que ye presta a traducción completa d’a interficie d’Orca, o lector de pantalla de codigo ubierto d’os sistemas GNU/Linux que emplegan l’escritorio Gnome dende a version 3.6. Iste lector de pantalla como en o caso de NVDA, tamién tien integrada a voz d’eSpeak conque tamién ye capable de leyer en aragonés. Os usuarios de Gnome lo trobarán en las siguients actualizacions.

Una rispuesta a Nueva versión de Skype y programas d’accesibilidat informática en aragonés

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.