Nueva York se para ta ‘la tronada perfecta’

L'arribada de l'huracán Sandy ha obligau a suspender tot o transporte publico d'a ciudat, a trancar as escuelas y a evaquar a amán de 400.000 nuevayorquinos

Nueva York se devanta hue como una ciudat pantasma. As autoridatz de Nueva York ordinoron ahiere a evaquación de 375.000 personas d’as zonas mas amán a o ran d’o mar por a plegada iste lunes de l’huracán Sandy. Totz os servicios de transporte publico s’han suspendiu y l’alcalde ha demandau a totz os nuevayorquinos que no sían evaquaus que no salgan de casa. L’huracán podría estar a mayor tronada que ha afectau nunca a os Estaus Unius quan dentre en tierra ista nueit, con aires fuertes y inundacions muit periglosas a la costa este d’os Estaus Unius, porque coincidirá con una bolsa d’aire fredo. L’explica en iste vidio l’alcalde de Nueva York, Michael Bloomberg. Bells expertos y meyos norteamericanos ya han baltizau a o fenomeno como ‘a tronada perfecta’ u ‘Frankeenstorm’, fendo un chuego de parolas entre ‘Frankenstein’ y ‘storm’ (tronada).

Se creye que Sandy podría tener un ‘impacto brutal’ en ciudatz como Boston, Washington, Baltimore y Filadelfia, amás de Nueva York, seguntes informa Reuters. Iste huracán ya ha causau sixanta muertos en o Caribe y se calcula que será activo dica o miercols, como minimo.

O paso d’o Sandy por o Caribe ha deixau una sixentena de muertos, a mayoría d’ells en Haití, a on han perdiu a vida meyo centenar de personas. O segundo país mas afectau por l’huracán ye Cuba, a on i ha habiu once muertos.

Fuent: http://www.vilaweb.cat/noticia/4050971/20121029/nova-york-prepara-tempesta-perfecta.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.