Nueva Zelanda ubre a puerta a oficializar o nombre en maorí d’as dos grans islas d’o país

Ta designar a North Island y a South Island, se podrán fer servir os toponimos tradicionals Te Ika-a-Māui y Te Waipounamu

nueva zelandaAs dos grans islas que forman Nueva Zelanda, a d’o Norte y a d’o Sud, podrían recuperar oficialment o nombre en maorí: Te Ika-a-Māui (‘o peix de Maui’) y Te Waipounamu (‘as auguas de chade’), respectivament. O New Zealand Geographic Board (NZGB), a institución encargada d’os toponimos, recibió una petición ta que se cambease o nombre d’a South Island por a versión maorí y paró cuenta que o nombre en anglés, de feito, no heba estau nunca declarau oficial.

Don Grant, o director d’o NZGB, l’explicaba: ‘Mientres febanos investigación sobre o tema, paremos cuenta que tanto a North Island como a South Island no yeran nombres legalment oficials, tot y que yeran d’emplego común de feba tiempo.’ Por ixo l’organismo se planteya agora adoptar oficialment os nombres maorís, chunto a l’equivalent anglés, ta denominar as dos islas. De feito, adhibiba Grant, os nombres tradicionals amaneixeban en os mapas oficials dica o decenio de 1950.

O maorí, charrau por una mica mas d’o 4% d’a población, ye oficial en Nueva Zelanda (u Aotearoa) de conchunta con l’anglés.

Fuent: http://www.vilaweb.cat/noticia/4101860/20130405/nova-zelanda-obre-porta-oficialitzar-nom-maori-dues-grans-illes-pais.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.