Nuevas agresions masclistas en Zaragoza

L'acosador d'o Tubo contina en a carrera

Un bando ha circulau alertando sobre o problema

Un bando ha circulau alertando sobre o problema

O pasau cabo de semana ocurrioron bellas agresions en a centrica zona zaragozana de El Tubo. Poco antes d’a hora d’o cierre en muitos d’os bares, un hombre (1,85cm de altura, pel muit curto y moreno, bells 90kg, fumador) asperaba pacientement en as “cuatro cantonadas” an se chuntan a carrera Libertat con a carrera Estebanes. Un punto estratechico, por an que no pasa guaire chent a ixas horas y con cuatro endreceras por as que fuyir si ye menester.

Un vecino podió gravar-lo mientres agüaitaba , ya que no yera a primera vez. Aguarda, encorre, acosa, mesmo empenta en un portal y agrede sexualment. Pareix muit seguro pero fuye a escape.

O Tubo y A Madalena amaneixeban istos diyas empapelaus de cartels informando d’a suya presencia y traza d’actuar, asinas como os retes socials. O vecindario no ha dubdau en embrecar-se de varias trazas, como tamién os comercios y as suyas treballadoras, que han lograu formar un rete d’amparo mutuo. S’asperan, alertan, vichilan y aduyan.

Encara que ye denunciau , o agresor contina en a carrera. Se ha deteniu a unatro sucheto por delitos similars en a zona d’a Universidat y Delicias mientres iste anyo, pero a suya descripción no coincide.

O treballo y a cooperación ciudadana da suyos fruitos y empoderan a las agredidas y continará dica que se agafe a l’agresor. Quan tornamos ta casa, bien d’o treballo, de gotetz u d’una gambadeta, solas u acompanyadas, nos queremos vivas, no pas valients.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.