Nuevas retalladas en os autobuses aragoneses

Se saca una linia en a redolada de Tarazona y s'achique a freqüencia d'una atra en Teruel.

Anyón de Mancayo, un d'os lugars afectaus (Foto: Miguel Respenda)
Anyón de Mancayo, un d’os lugars afectaus (Foto: Miguel Respenda)

Continan as retalladas en o transporte publico rural. Dende o vienient 1 de febrero a linia entre Teruel y Orea nomás circulará lnes y viernes y no os cinco diyas d’a semana como fa agora. O chueves se ferá una reunión entre os concellos afectaus por ista mida.

Tamién, o pasau mes d’aviento, se sacó a ruta d’autobús entre Anyíon de Moncayo y Tarazona que pasaba por bells atros lugars d’a redolada. Antimás, dos vegadas a la semana, l’autobús s’uniba con a ruta Soria-Tarazona-Zaragoza, permitindo a la chent ir t’a capital aragonesa. Ista mida se prenió dimpués d’haber achiquiu tamién a suya freqüencia de paso lo que fa temer que pueda pasar o mesmo en atras linias.

Como ya informó Arredol, a linia que uniba con Exeya d’os Caballers os suyos lugars amanaus tenió cambios en a freqüencia fendo o recorriu dos diyas a la semana en cuenta de cinco. O gubierno, por agora, ha prolargau a freqüencia d’antismas y l’autobus continará pasando-ie de lunes a viernes dica o 29 de febrero quan se prenerá una nueva decisión.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.