Nuevo concurso d’acreditacións ta fotografiar cluxiuesos

O numero total d'autorizacións disponibles ta l'anyo 2012 puya a 11

Cluxiuesos. (Foto: Aragonhoy.net)

L’Instituto Aragonés de Chestión Ambiental (INAGA) cuenta, ta l’anyo 2012, con un procedimiento concreto ta l’asignación d’as autorizacións de fotografía d’o cluxiuesos en o hide d’o Cebollar, Torla (Uesca).

O periodo de presentación de solicitutz t’a obtención d’istas autorizacións estió dende o 2 de noviembre a o 16 d’aviento de 2011

O pasau 26 de chinero de 2012, se realizó en as usinas de l’Instituto Aragonés de Chestión Ambiental o sorteo publico d’asignación d’istas autorizacións tant demandadas dende o mundo scientifico y d’os aficionaus a la filmación d’a naturaleza y as suyas especies más protechidas.

En l’anyo 2010 un total de 41 solicitants presentoron debant d’o INAGA a suya instancia ta obtener ista autorización que les permite fotografiar o cluxiuesos entre determinadas semanas de 2011 dende as instalacions que chestiona l’administración publica autonomica en o hide d’o Cebollar de Torla.

En l’anyo 2011 s’ha rechistrau un aumento de solicitutz, concretament han estau 54, intresando una autorización administrativa que les permita realizar actividatz de fotografía y filmación entre as semanas disponibles de l’anyo 2012.

O numero total d’autorizacións disponibles ta l’anyo 2012 puya a 11, prencipiando as actividatz de fotografía en a semana que va d’o 9 a o 13 d’abril, y rematando a semana d’o 19 a 23 de noviembre.

Fuent: http://www.aragonhoy.net/index.php/mod.noticias/mem.detalle/relmenu.51/id.108965

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.