Nuevo suicidio d’un choven LGTB en California

O californiano Eric James Borges, de 19 anyos d’edat, se furtó a vida fa uns diyas, tras anyos de sufrimiento y acoso debiu a la suya orientación sexual, a mans tanto d’a suya familia (su propia mai, fundamentalista cristiana prebó de ferle un exorcismo) como d’os suyos companyers de clase. Con tot y con ixo, Borges plegó a colaborar con The Trevor Project</a>, una organización que concara o suicidio adolescent, rechistrando amás un mensache ta la suya campanya It Hets Better, que preba de impedir o suicidio entre os adolescents en Estaus Unius. “Mi mai sabeba que yera gai y me fació un exorcismo ta prebar de sanar-me”, explica o choven en o video en que reventa a suya historia).

A suya parentalla plegó a tachar-lo de “fastioso” y “condenau a l’infierno” antis de fer-lo fuera de casa. Sofrió, amás, bullying homofobico en l’instituto, que plegó per albandonar. “Estié encorriu, escupiu, amarguinau y fisicament agrediu (…) O mío nombre ya no yera Eric, sino manflorita”. Borges recenta tamién que mientres yera en l’almario creyeba que nunca sería capable d’expresar a suya verdadera sexualidat y tener una relación. Bella cosa que, manimenos, parixeba haber superau. Colaboró como voluntario en The Trevor Project y plegó a rechistrar un romantico video, Invisible Creatures, que puyó ta YouTube, en o que, entre atras parellas, se veye a él mesmo abrazando y besando a atro chico. Como dixó escrito a la fin d’a cinta, Borges quereba expresar a ideya de que l’amor ye universal. “Tiene o poder de derribar l’umbral d’o prechuicio y a desigualdat (…) Ye important que nos amemos como cadagún de nusatros mereixemos de verdat”. En o suyo caso, o peso d’o sufrimiento acumulau plegó estando mayor.http://www.youtube.com/watch?v=InWhEIaCFkg

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.