Nuevo suicidio en Zaragoza d’un afectau por desfiuzamiento d’a suya vivienda de loguer

O pasau luns un vecín de L'Almozara se suicidó un día antes d'executar-se o desfiuzamiento de casa suya

Miembros d'a plataforma Stop Desafucios Zaragoza. (Foto: @DesahuciadxsZGZ)

Miembros d’a plataforma Stop Desfiuzamientos Zaragoza. (Foto: @DesahuciadxsZGZ)

Un vecín, de 62 anyos, d’o vico zaragozano de L’Almozara se suicidó o pasau luns, o día anterior a la calendata sinyalada t’o lanzamiento d’a suya vivienda de loguer, dimpués de veyer-se obligau a deixar de pagar as condutas mensuals d’o loguer por a suya precaria situación economica.

Dende Stop Desfiuzamientos Zaragoza denuncian “sin descanso, que i hai vidas en chuego, que dezaga d’os desaloixos forzosos solament i hai exclusión social y sí, tamién muertes de tot evitables”.

“Convocamos a la ciudadanía a amostrar a mas profunda indignación por ista sangría interminable. O mes pasau ya suportamos o suicidio d’Esther. Quantos mas ocurren y no conoixemos?”, denuncian dende Stop Desfiuzamientos Zaragoza, y confirman a convocatoria ta hue, viernes 13 de marzo, a las 19.00 horas, en a plaza d’Espanya d’a capital aragonesa baixo os lemas “I hai vidas en chuego. Aragón Sin Desafiuzamientos”.

Ista plataforma d’afectaus por a hipoteca fa “un clamau urchent a las administracions publicas ta que d’una vegada s’estableixcan normativas que empachen os desaloixos forzosos. Si as Cortz d’Aragón metesen en funcionamiento as tres midas de minimos d’a campanya Aragón Sin Desafiuzamientos: moratoria, realoixo y loguer social, si s’hese aprebau a ILP d’a PAH,…, somos seguros que como sociedat nos hesenos privau un numero ya insoportable de vidas irreemplazables”, concluyen.

Fuent: http://arainfo.org/2015/03/nuevo-suicidio-en-zaragoza-de-un-afectado-por-desahucio-de-su-vivienda-de-alquiler/

Una rispuesta a Nuevo suicidio en Zaragoza d’un afectau por desfiuzamiento d’a suya vivienda de loguer

  1. Pingback: Nuevo suicidio en Zaragoza de un afectado por desahucio de su vivienda de aluquiler [arg]

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.