Nuevos pres en o transporte publico zaragozano

Dende chinero o billet d'autobús puyará 20 centimos. A resta de titols puyarán un 8,5 %.

Autobus por o puent de piedra (Foto: Macfacizar)

Autobus por o puent de piedra (Foto: Macfacizar)

O primer de chiner de 2012 prencipiarán a funcionar os nuevos pres t’o transporte urbano d’a ciudat de Zaragoza. L’alcalde Juan Alberto Belloch y a concellera de Servicios Publicos, Carmen Dueso, han feito publicos istos nuevos pres y os criterios seguius ta las puyadas y, en bell casos, baixadas. A mida conta con o refirme de CHA y IU y o refús d’o PP.

Seguntes ha informau o concello, o billet simple d’autobús pasará a costar 1,25 euros, 20 centimos más que no agora. Os viaches bosaus con tarcheta bus u tarcheta ciudadana pasarán a costar 0,68 centimos. Os criterios ta conseguir a tarcheta de pensionista t’o transporte publico cambean. Dende agora en cuenta d’a pensión se ferá servir a renta, conseguindo a tarcheta as solicitutz con Base imponible por debaixo d’os 15.000 euros. Os abonos de mes continarán costando 36,95 euros ta qui tienga rentas inferiors a ixos 15.00 euros y as botifueras t’os chovens s’enamplan tamién t’os menors de 14 anyadas en os abonos mensuals. Os esqueferaus de larga duración tamién tendrán más barato lo abono, con un 95% de botifuera en cuenta d’o 90% d’agora.

Os representants d’o concello han quiesto insistir con a ideya de que son tarifas más chustas debiu a la progresividat y de que yera insostenible economicament o modelo actual. Antimás, a tamás de que se achique o numer de kilometros que ferán os autobuses, dicen que no bi habrá perda en a calidat d’o servicio.

2 Rispuestas a Nuevos pres en o transporte publico zaragozano

  1. Belloch esta destrozando Zaragoza

  2. Y si li damos a Belloch as claus d’a nuestra casa ta que nos ne furte més facil?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.