O 15M baixo aragonés demanda cambeos constitucionals

Replegarán firmas mientres tot lo mes de setiembre

 As asambleyas ciudadanas d’o Matarranya, Andorra, Alanyiz y Alcorisa, surtidas d’as movilizacions populars d’o 15M, prencipian en setiembre una replega de firmas ta l’eixercicio colectivo d’o dreito de demanda d’un esvielle constitucional que guarancie instrumentos de democracia dreita.

Ista campanya se fa en coordinación con un numers d’asambleyas creixent (dica agora 42) de 14 Comunidatz Autonomas de tot l’estau espanyol. Con l’eixercicio d’iste dreito de demanda se preba de:

1. Que o referendum pueda estar solicitau por 500.000 personas y que o resultau siga vinculant si ha participau en a votación a mas gran parti de qui tienga dreito a fer-lo y si lo apreban por mayoría d’os votos validament feitos.

2. Que o referendum, antimás de sobre decisions politicas de especial relevancia, pueda fer-se sobre as leis votadas por as Cortes Chenerals y encara no sancionadas, y sobre a derogación de leis en vigor (bella cosa ya prevista en l’Abamprochecto de Constitución).

3. Que se supriman as mugas que viedan eixercer a iniciativa lechislativa popular en materias propias de lei organica, tributarias, de caracter internacional y sobre a prerrogativa de gracia.

4. Que os ciudadans podamos promover l’esvielle d’a Constitución

En Andorra, antimás, o movimiento 15M ha convocau una bicicletada y una perolada en esfensa d’o dreito a una vivienda digna o venient 25 de setiembre.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.