O 15M pintará con clarions a Plaza d’o Pilar

Convocada una protesta por as pinyoras que quiere meter-les o concello, baixo o lema 'Desobedeix a ordenanza incivica: ¡Pinta con clarión!

Cartel

O movimiento 15 M de Zaragoza ha convocau t’o venient sabado de meyodiyas una protesta en a Plaza d’oPilar. Quieren que a ciudadanalla pinte con clarión en a Plaza d’o Pilar en protesta por as menazas de pinyoras que han recibiu d’o Concello de Zaragoza. Istas pinyoras, que serían de 1500 euros se meten por haber pintau, tamién con clarión, en a carrera Alifonso I.

Representants d’iste movimiento y o colectivo Pedalea tamién podrían recibir pinyoras por haber pintau 20 metros de carril bici en a carrera Coso que demandaban y haber meso en as mugas suyas tiestos con cheranios. O carril s’esborró y os cheraniso s’aventoron y a las pocas semanas o concello pintó lo carril.

Con a protesta, antimás, demandan que se saque ‘de camín a ordenanza civica. Una norma que no sirve ta protecher o espacio urbano, sino que en mans d’un gubierno represor nomas sirve ta criminalizar a os movimientos socials’.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.