O Baixo Aragón tremola con os tambors y os bombos

A 'Rompida d'a hora' sinyala o prencipio d'a Semana Santa baixoaragonesa

Andorrano tanyendo o bomboMiles de personas participoron dende a meya nueit d’ahiere en a tradicional ‘rompida d’a hora’. Albalat de l’arcebispe, Alcorisa, Andorra, Ixar, A Puebla de Ixar, Sant Per de Calanaa y Urrea de Gaén lo facioron ahiere a las dotze, entre que Calanda lo ha feito iste meyodiya. En iste lugar Imanol Arias estió l’encargau de presidir a ‘rompida’. En Alcanyiz, que tamién ye en a ruta d’o tambor y o bombo, no se fa a ‘rompida’, pero sí  procesions y atros actos.

Anueit l’orache, que menazaba con haber de suspender a mas gran parti d’os actos, dio una tregua y deixó a los baixoaragoneses cumplir con a tradición. A plevia nomás fació suspender bella procesión de tardis. Manimenos o maitin d’o viernes ye estau plevendo terne, encara que no ha conseguiu que os calandeses reblasen y tamién han puesto ‘crebar a hora’.

A ruta d’o tambor y o bombo ye declarada ‘Fiesta de intrés turistico nacional’ dende 2005 y bi son incluyius nueu lugars d’as comarcas de Andorra – Sierra de Arcos, Baixo Aragón y Baixo Martín. Mientres istos quatre diyas os establimientos hostelers tienen bien de faina por o gran numer de turistas que plegan dende totz os cabos d’Aragón y d’o mundo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.