O bandiu Cucaracha busca financiación ta fer una pelicula

A primera pelicula d'animación aragonesa cuenta con a participación de Javier Coronas u Joaquín Sorribas

Mariano Gavín, o bandiu Cucaracha, quiere tornar t’a vida, en ista ocasión, a traviés de grans marionetas de latex en a primer pelicula aragonesa d’animación. Ta ello, os promotors d’o filme son escando financiación a traviés d’una plataforma de crowdfunding, que con chicotas alportacions premitan fer iste prochecto.

A historia de Mariano Gavín ye bien conoixida, y ha estau musicada y narrada a-saber-las vegadas. O Cucaracha habió de deixar casa suya ta vivir d’o bandolerismo y a suya leyenda encara contina viva en os Monegros, o suyo territorio d’accion. Seguntes os promotors d’a pelicula ista será d’aventuras, accion y grans emocions. O prochecto ye planteyau con decoraus que se podran desmontar y Chromas de fundo, que en post produccion podrán esviellar-se por scenarios reals d’o paisache. O largometrache será traduciu ta o castellán, o francés y l’anglés y la versión orichinal será en aragonés.

Dezaga d’o prochecto bi ha nombres como o de Javier Coronas, qui será o narrador, o rapero Sho Hai, Alfonso Palomares y Francisco Fraguas d’Oregón TV, Pepín Banzo, mosico y showman y colaborador d’Arredol, o capitán d’a S.D. Uesca, Joaquín Sorribas, Carlos Lacasa, Fher, cantante de Plasma y os disenyadors Isidro Ferrer y Jorge Agustí. Os directors son Héctor Pisa y Juan Alonso, que concaran o suyo prochecto más ambicioso con ista cinta d’animación sobre un d’os mas grans bandolers d’a historia.

Ta colaborar en a financiación d’o prochecto podetz dentrar en a suya pachina web en kifund, y seguntes a vuestra alportación contaretz con bellas recompensas, como apareixer en os titulos de credito, asistir a la premiere u a lo rodache

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.