O barómetro diz que o PP doblaria a o PSOE y CHA-IU dentraria en o Congreso

L'estudio aragonés tamién diz que quasi un 9% d'os enquestaus quieren suprimir l'autonomía

O barómetro d’agüerro d’Aragón da como vencedor en as eleccions d’o 20-N a o PP que quitaria 8 escanyos (4 por Zaragoza, 2 por Uesca y 2 por Teruel). O PSOE tendria 4 diputaus por Aragón (2 por Zaragoza, 1 por Uesca y 1 por Teruel). Y a coalición La Izquierda de Aragón quitaría nomás que 1 por Zaragoza.

A enqüesta se fació en a zaguera semana d’octubre, entre 2500 presonas de tot o país. Os resultaus que proporciona o barómetro son una estimación de voto con as rispuestas a las preguntas sobre intinción de voto y simpatía de voto.

Qüestions identitarias

O barómetro tamién presentas as preguntas tradicionals en iste questionario. Sobre a identidat aragonesa, un 15,6% se sienten sobre tot aragoneses, un 11,9% sobre tot espanyol, y un 66% aragonés y espanyol a la vegada. Sobre a organización politica d’o país nomás que un 2,9% creyen que Aragón ha de ser un estau independient, un 41% creye que ha de tener más competencias como autonomía, un 40% que ha de tener as mesmas que agora, y un 8’7% d’os enquestaus creyen que habría de ser una rechión sin garra autonomía.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.