O BCE torna a aduyar a Espanya mercando deuda

A prima de risque espanyola s'ha amanau a os 500 puntos, pero dimpués ha baixau dica os 460

A prima de risque espanyola s’ha amanau a os 500 puntos basicos, la más alta dende a creyación de l’euro. Encara que s’ha relaixau una mica a situgación porque o Banco Central Europeyo ha mercau deuda espanyola, seguntes Bloomberg y atros meyos economicos, pero a situgación huei ha estau alarmant. Dende o gubierno s’asegura que Espanya no amenistara garra rescate, pero bells analistas no en son tant convencius. En tot caso, a mayoria d’os economistas creyen que Espanya ye en situgacion de periglo, pero no pas de rescate.

L’altera prima de risque ha pasau factura en a subasta de deuda que ha feito o Tresoro espanyol. Más d’un 7% d’intrés ha habiu de bosar Espanya por colocar 3600 millons d’euros en bonos a 10 anyos, un 30% más d’intrés que en a zaguera venda d’o mes pasau.

Atros mercaus de deuda como lo francés u lo belga tamién han puyau huei dica cifras record, pero as rumors sobre a intervención d’o Banco Central Europeyo mercando deuda, han tranquilizau a situgación.

A prima de risque ye a esferencia entre l’intrés que ha de bosar Espanya por a suya deuda en o mercau y o que ha de bosar Alemania, o mercau europeyo de deuda más solvente.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.