O CAI Voleibol Teruel gana por tercer vegada a Copa d’o Rei

L'equipo teruelano gana por tercer vegada consecutiva a competición copera, ganando con claridat a l'Unicaja Almería

campion teruel

Foto: www.rfevb.com

O CAI Voleibol Teruel ganó a l’Unicaja Almería o suyo tercer titol de Copa d’o Rei consecutivo. O torneu s’ha disputau dende o viernes en o pabellón Sa Blanca Dona d’Eivissa, a on l’equipo teruelano consiguió a victoria por 3 sets a 0 con parcials de 29-27, 25-19 y 25-23 debant d’uns 1.100 espectadors. A destacar l’actuación de Juan Carlos Barcala, chugador d’o CAI Voleibol Teruel que le valió o premio MVP (Most Value Player) a o millor chugador d’o torneu.

En o primer set, a igualdat estió a que dominó o chuego. L’equipo andaluz podió ganar o set, pero desaprofitó un punto de set, ganando finalment o CAI Voleibol Teruel por un achustau y largo 29-27. En o segundo set, l’equipo aragonés con l’animo alto gracias a la victoria d’o primer set, dominó con una lichera avantalla, dica que a dentrada en chuego de Juan Carlos Barcala consiguió que os aragoneses fesen cinco puntos consecutivos dica deixar o marcador en 25-19. O tercer set continó con a dinamica d’a igualdat d’o primer set, pero os teruelanos consiguioron fer-se con ell con un parcial achustau de 25-23 que les daría a victoria final.

Con iste triunfo, o CAI Voleibol Teruel se queda en propiedat o trofeu copero en ganar-lo tres vegadas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.