O cambio de tono d’o gubierno britanico alarma a Escocia

O gubierno de Cameron diz agora que a victoria d'o sí no será prou t'a independencia escocesa

Alex Salmond y a viceprimer ministra escocesa, Nicola Sturgeon. Foto: Gubierno d'Escocia

Alex Salmond y a viceprimer ministra escocesa, Nicola Sturgeon. Foto: Gubierno d’Escocia

A victoria d’o sí en o referendum escocés no guarenciaría a independencia d’Escocia, y o status quo actual se mantendría si as negociacions con o gubierno britanico no isen bien. L’ha dito un miembro d’o gubierno de David Cameron, seguntes explica hue o diario escocés The Herald. Un cambeo de tono que empecipia a permenar a Escocia.

O 24 de marzo de 2016 Escocia no escayeixerá independient si as negociacions entre Edimburgo y Londres no son satisfactorias, diz iste alto cargo d’o gubierno britanico. Y precisa que una victoria d’o sí en o referendum ‘sería o prencipio d’un proceso‘ y d’as negociacions, y si no plegasen en un alcuerdo, ‘o status quo será a opción por defecto’.

Alex Salmond considera istas declaracions sorpresivas y irresponsables y acusa a Westminster de tener ‘tanto espanto de perder o referendum que agora menaza de no respectar a voluntat democratica d’o pueblo d’Escocia y trencar l’alcuerdo d’Edimburgo, sinyau con toda a buena fe con o president d’o gubierno’.

Ista mesma semana os tres prencipals partius britanicos se meteban d’alcuerdo ta que o venient gubierno no permitise que Escocia podese fer servir a libra esterlina, a moneda actual, en caso d’independencia, tal como preveye o ‘Libro Blanco’ d’a independencia escocesa. Ya fa días que os independentistas se queixan d’o chuego puerco d’o gubierno britanico en a campanya por o no, y iste cambeo d’actitut empecipia a ubrir a puerta, por primer vegada, a una posible declaración unilateral d’independencia.

Fuent: http://www.vilaweb.cat/noticia/4173279/20140214/canvi-to-govern-britanic-alarma-escocia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.