O Campo de Borcha comercializó quasi vint millons de botellas de vin en 2012

O consellero Lobón fació l'enguero ahiere en Zaragoza a IX Muestra de Garnachas d'ista denominación d'orichen

2013-06-04_garnacha-campo-borja2

Foto: Gubierno d’Aragón

A IX Muestra de Garnachas d’a D.O. Campo de Borcha plega en 41 restaurants de Zaragoza y provincia ta dar a conoixer os diferents vins d’ista variedat. O consellero d’Agricultura, Ganadería y Medio Ambient, Modesto Lobón, estió l’encargau de fer l’enguero d’a muestra que se celebra mientres ista semana.

Lobón subrayó que “ista denominación aúna a calidat, a investigación y o desembolique y a salida exterior, elementos que han de tener as interpresas de futuro”.

“Dende o Gubierno d’Aragón se refirma a o sector de l’agroindustria a traviés d’a Estratechia Politica de l’Agroindustria en Aragón, un documento amplo y elaborau por tot o sector que se remitirá a las Cortz d’Aragón ta mantener o mayor consenso politico posible”, matizó Modesto Lobón, qui tamién recordó que se tracta d’un sector estratechico con grans posibilidatz de creiximiento contribuindo con ixo a la creyación de puestos de treballo, a fixación de población en l’ambito rural y a vertebración d’o territorio.

Antiparti, o president d’a D.O. Campo de Borcha, Eduardo Ibáñez, incidió que “ista muestra reune a os amants d’os vins y nos da a oportunidat d’amostrar a excelent calidat d’os vins de garnacha amás de contrimostrar o vinclo existent entre o vin y o territorio”.

A campanya de 2012 d’ista denominación d’orichen replega buens datos que contrimuestran a importancia que tienen os suyos vins a livel nacional como a livel internacional.

Mientres ‘a pasada anyada, comercializoron quasi 20 millons de botellas. Asinas, o volumen de producción ha estau de 23.432.991 kilos d’uga.

Fuent: http://www.cronicadearagon.es/wordpress/?p=41564

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.