O Caracol Zaragoza ferá o IV Festival de teyatro solidario con Chiapas

Mientres tot lo sabado bi habrá actuacions t'a catrinalla y adultos

cartel festivalO Caracol Zaragoza (Rete de personas por l’autonomía zapatista) celebrará iste sabado o IV Festival de teyatro solidario con Chiapas (Mexico). As actuacions prencipiarán a las 11 d’o maitín en o Centro Civico Estación d’o Norte y continarán dica la nueit con un chiquet descanso a la hora de chentar.

Con iste festival, o colectivo quiere amostrar o suyo refirme a las comunidatz zapatistas que ‘dende o sureste mexicano nos contrimuestran cada diya, a tamás d’as continas enrestidas d’os malos gubiernos mexicanos, que un atro mundo ye posible’.

Bi habrá toda mena de espectaclos.  O maitin ye endrezau t’a catrinalla y t’os qui no’n son tanto, con as actuacions d’a cuentacuentos Arale, o circo de Nostraxladamus y o teyatro debuixau de Teatro Indigesto. De tardis, presentau por Diego Peña, bi habrá ‘cantes y patás en femenino’ con La3colis, acrobacias con Noche, mosica con Pato Badián y Patricia Laclaustra, teyatro humoristica con os Mancusos, poesía y mosica con Daniel Rabanaque, Don Nadie y Zombra. A nueit rematará con un concierto esenchegau de Comando Cucaracha.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.