O cartel d’as fiestas d’A Madalena s’esleixirá por concurso

As fiestas serán d'o 14 t'o 23 de chunio

cartelA Semana Cultural d’o vico d’A Madalena, en Zaragoza, s’amana y como ye ya costumbre, o cartel d’istas fiestas s’esleixirá en un concurso. O lema trigau t’as fiestas ye a “A vida ye un arder y qui no arde no vive”, frase de Jose Luis Sampedro, qui morió fa poco.

En o cartel habrá de estar a debantdita frase y o texto “XXVI Semana cultural d’A Madalena” y “¡Arde Madalena!”. O plazo ta presentar os cartels remata o 28 de mayo. Un churau composau por representants d’as asociacions que organizan as fiestas esleixirá o ganador qui conseguirá un lote de presents donaus por as organizacions que fan as fiestas. As bases d’o concurso y atros detalles d’as fiestas se pueden consultar en a web d’a semana cultural.

Ista Semana Cultural ye organizada por as asociacions y vecins d’o vico de traza autochestionada y o suyo acto más sinyaler ye a chera que se fa la nueit d’o solsticio de verano en o Parque Bruil, a on que se chunta buena cosa de chent en una gran borina.

 

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.