O casco antigo de Zaragoza aculle una preba d’orientación ta totz os publicos

"Enganchados al Deporte" organiza una actividat que prencipiará iste sabado a las 22:30 dende a Plaza d'As Armas

Ilesia de Sant Pavlo, en o Gancho (Foto: Wikipedia)

Ilesia de Sant Pavlo, en o Gancho (Foto: Wikipedia)

O Plan Integral d’o Casco Historico ha programau ta iste cabo de semana una actividat esportiva de baldes y ta todas las edatz d’orientación de nueitz. “Enganchados al Deporte” torna t’o Casco Historico ta ufrir un reto que, en parolas d’os organizadors, no cal estar especialment presto, nomás ganas de pasar-lo bien y conoixer fundo totz os cabos d’o Casco.

A preba, que tendrá categoría ta ninos y t’adultos, prencpiará en a plazas de La Armas, en o vico d’o Gancho, a las 22:30. Antes se ferá equipos individuals, por parellas u tríos. Dende a organización recomiendan de preinscribir-se ninviando un correu electronico a enganchadosaldeporte@gmail.com, encara que no ye imprescindible.

Se darán mapas a los participants, que habrán d’ir descubrindo un circuito, en o caso d’os mayors con balizas, y en o caso d’os más chicotz, resolvendo prebas como dovinallas, en diferents puntos d’o Casco Historico. En anteriors edicions, s’ha plegau a tener 80 participants si fa u no fa.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.