O casco historico de Zaragoza será considerau “zona d’afluyencia turistica”

Con ista declaración, os comercios d'ista zona podrán ubrir domingos y festivos

Carrera Alfonso I. Fuent: Wikipedia

O concello zaragozano, a traviés d’a suya web, fació entre noviembre una enqüesta preguntando sobre qué zonas d’a ciudat heban de considerar-se d’afluyencia turistica, en a que un 52% se decantó por o casco historico, mientres a resta se decantó por atras zonas u por no declarar-ne denguna. Manimenos, nomás 2.920 personas i participoron.

Bells diyas antis de prencipiar ista enqüesta, centros y asociacions comercials facioron as suyas proposas chustificadas, un total de 15. Y a la fin, iste lunes o Consello d’a Ciudat ha dau o visto bueno ta que ista zona siga considerada zona d’afluyencia turistica y puedan ubrir os suyos estableiximientos os domingos y festivos. Isto responde a o Reyal Decreto-Ley 20/2012 de midas ta guaranciar a estabilidat presupuestaria y de fomento d’a competitividat que demandaba a Zaragoza que trigase zonas turisticas.

A zona a considerar será a comprendida entre o Paseu Echegaray, l’Av. Cesaraugusto y o Coso. Diversas organizacions interpresarials d’a zona consideran que ye a zona con un mayor atractivo turistico, amás de que a declaración de zona turistica a atras zonas podría levar a trancar negocios.

O proceso continará con l’aprebación definitiva en o pleno d’o Concello de Zaragoza, que levará a proposa a o Gubierno d’Aragón.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.