O CD Ebro, nuevo líder de Tercera

O Teruel baixa ta la segunda posición con 49 puntos

Os arlequinaus cilebran o primer gol

Os arlequinaus cilebran o primer gol

Yera lo partíu más asperau de lo que levamos de liga en Tercera Divisón. O CD Teruel (primer con 49 puntos) y o CD Ebro (segundo con 47) se concaraban en a suya luita per rematar primers ista temporada.

O Campo de L´Almozara yera a rebutir, con mayoría arlequinada pero con una buena ripa de seguidors teruelistas. L´ambient yera de partíu gran como no podeba estar d´atra traza y ye que, dimpués d´o resultau d´o partíu d´ida (2-1 ta o Teruel), d´iste resultau puet pender qui rematará primer a la fin en caso d´empate.

Con tot presto en as gradas y en o campo prencipió lo partíu.

A primer parti estió prou entretenida con buen chuego dende o minuto 0 pero muito rispeto entre ambos equipes, que se tradució en pocas ocasions claras de gol. De feito, no estió dica lo minuto 22 quan l´Ebro estió a pocas d´enguerar o marcador rematando en corner una buena chugada. Fruito d´ixe mesmo corner, y con l´aduya involuntaria d´o teruelista Durán, l´Ebro s´enantaría en o marcador.

Dende aquí ta o descanso, lixero dominio de l´Ebro (con mesmo gol anulau en o minuto 32 por fuera de chuego) pero en cheneral prou equilibrio.

A segunda parti ya prenió una color de tot arlequinada. O primer gran aviso plegó a os 5 minutos de l´escomencipie quan l´Ebro se trobó con o larguero d´a portería d´o Teruel y continó más entadebant quedando-se un chugador arlequinau solenco debant d´o portero pero ninviando a pilota difuera d´os tres palos.

Encara que bi heba prou dominio arlequinau, no estió dica lo minuto 75 quan o capitán, Gil, endrezó lo balón aintro d´a portería teruelana fendo lo 2-0. Dende ixe inte o Teruel desapareixió d´o campo y isto estió aprobeitau per os de L´Almozara que fación o tercer (minuto 71, Diego Sánchez) y quarteno gol (minuto 87, de nuevo Gil) baixo lo delirio d´una grada que coreaba con “oes” cada pase d´o suyo equipe.

Con iste resultau, o CD Ebro se mete líder con 50 puntos y o Teruel baixa a lo segundo puesto con 49. Encara que encara manca muita liga y muitas cosas pueden pasar-ie, s´entrefila una firme baralla entre ambos clubs dica la fin d´o campeonato.

Cronica por: Arlequinau

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.