O Celta de Vigo estricalla o Uesca

O Celta de Vigo ganó o suyo primer partiu d’a temporada con a complacencia d’un Uesca que no podió fer cosa y que deixó una imachen pobra. Os gallegos fación cuatro gols que podian haber estau mas.

Una ocasión de Roberto en prencipiar o partiu pareixeba deixar unatro guión, pero poco dimpués a mala suerte fació que un disparo de Quique de Lucas tocase en Rivas y descolocase a Bernardo ta convertir-se en o primer gol d’os vigueses. A partir de l’1-0 o Celta se quedó con a pilota pero sin creyar ocasions de periglo en l’aria d’o Uesca. Con ixe 1-0 se plegó a o descanso.

En a segunda parti o Uesca contino trancau en a suya aria asperando as errors d’os celestes, dica que Joan Tomàs feba o segundo en aproveitar un refús d’o meta azulgrana. Con o 2-0 o Uesca adebantó linias y prebó de plegar ta la meta d’o Celta, feito que aproveitaron os vigueses, en especial, un inspirau Iago Aspas, ta rematar con dos gols a os visitants. Encara habió tiempo ta que o Celta desaproveités un penalti.

O Uesca, con os risultaus d’ahiere, queda en o puesto 20, en puestos de baixar a 2ª B. O miercols venient recibe en L’Alcoraz a o Barça B.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.